ٺٽو پوليس jon ڪارروائيون، 4جوابدار گرفتار ڪرڻ جي دعويٰ

جوابدارن ۾ سجاد منگي، صمد ميمڻ، افضل جتوئي ۽ سلمان راجپوت شامل آهن: پوليس

ٺٽو (شفيق ڀٽي) آءِ جي سنڌ غلام نبي ميمڻ ۽ ڊي آءِ جي حيدرآباد رينج طارق رضا ق دهاريجو جي هدايتن تي ايس ايس پي ٺٽو فاروق احمد بجاراني جي حڪمن موجب ٺٽو پوليس پاران منشيات، ڏوھاري عنصرن، عادي مجرمن، گٽڪو ۽ مين پڙي خلاف جاري ڪريڪ ڊائون دوران وڏي ڪاميابي حاصل ڪئي وئي آهي۔ ايس ايڇ او ٿاڻو گھارو انسپيڪٽر محمد علي ڊامرا پنهنجي ٽيم سميت آري ڪيمپ ۽ فلٽر چاڙي گھارو ويجهو ڪارروائي ڪندي آلٽو ڪار نمبر BSN-738 ۽ مزدا ٽرڪ نمبر JY-5638 ۾ گٽڪو سامان منتقل ڪرڻ جي ڪوشش ناڪام بڻائي ڇڏي۔ پوليس ڪارروائي دوران چار گٽڪو سپلائر ملزم، سجاد ولد محمد اسماعيل منگي، عبدالصمد ولد دائود ميمڻ، افضل ولد سليمان جتوئي ۽ سلمان ولد اسلم راجپوت کي گرفتار ڪري ورتو۔ ڪارروائي ۾ پوليس 300 ڪلو گٽڪو مٽيريل، 300 پڙيون گٽڪو ماوا، 2 موبائل فونز، مزدا ٽرڪ ۽ آلٽو ڪار قبضي ۾ وٺي ورتي۔ گرفتار ڪيل ملزمن خلاف ٿاڻي گھارو تي گٽڪو ايڪٽ تحت الڳ الڳ مقدما داخل ڪيا ويا آهن۔ ايس ايس پي ٺٽو فاروق احمد بجاراني چيو آهي ته ٺٽو ضلع ۾ منشيات ۽ گٽڪي خلاف ڪارروايون بي رڪاوٽ جاري رهنديون۔