عدالتن کي ڪيلاش ڪولھي ۽ نادر جمالي جي قتلن جو کي نوٽيس وٺڻ گھرجي: اياز لطيف پليجو

275 views | 09th Jan 2026 • سنڌي خبرون

حڪمرانو ھي اھي ڪولھي آهن، جن روپلي ڪولھي جي اڳواڻي ۾ انگريزن جون پاڙون پٽي ڇڏيون توھين ڇا آهيو

عدالتن کي ڪيلاش ڪولھي ۽ نادر جمالي جي قتلن جو کي نوٽيس وٺڻ گھرجي: اياز لطيف پليجو

حيدرآباد (بيورو) قومي عوامي تحريڪ جي سربراھ اياز لطيف پليجي چيو آهي تہ ڪيلاش ڪولھي ۽ نادر جمالي جي قتلن جو سنڌ ھاء ڪورٽ ۽ سپريم ڪورٽ کي نوٽيس وٺڻ گھرجي. آءِ جي پوليس کي ٻنھي ھنڌن تي پھچڻ گهرجي. اياز لطيف پليجي چيو تہ پيپلزپارٽي جي سنڌ حڪومت 18 سالن کان مٿي دور سنڌ کي تباھي جي ڪناري تي بيھاري ڇڏيو آهي. پيپلز پارٽي ڪوڙي جمھوريت جي دعويدار آھي، ھنن سنڌ ۾ بادشاھت قائم ڪري ڇڏي آهي جنھن ۾ عوام غلام ھجي۔ بيورو ڪريسي ۽ ادارا ھنن جي حڪمن جا محتاج ۽ اشارن تي فقط ھنن جي مرضي وارا ڪم ڪندا رھن ٿا. اياز لطيف پليجي چيو تہ پيپلزپارٽي جا ڪرپٽ حڪمرانو ھي اھي ڪولھي آهن، جن روپلي ڪولھي جي اڳواڻي ۾ انگريزن جون پاڙون پٽي ڇڏيون توھين ڇا آهيو. ڪيلاش ڪولهي جي قاتلن کي فوري طور گرفتار ڪيو وڃي ۽ سندس خون سان انصاف ڪيو وڃي.