شڪارپور: ڪچي جي بدنام ڌاڙيل ٻيلو تيغاڻي سميت 40 کان وڌيڪ انعام يافته ڏوهارين هٿيار ڦٽا ڪري ڇڏيا

شڪارپور(احسان ابڙو)سنڌ حڪومت جي آپريشن نجائتي مھراڻ سرينڊر پاليسي تحت شڪارپور پوليس هيڊڪوارٽر ۾ هڪ اهم تقريب منعقد ڪئي وئي، جنهن ۾ شڪارپور ۽ ڪشمور-ڪنڌڪوٽ ضلعن سان واسطو رکندڙ 40 کان وڌيڪ انعاميافتا بدانعام ڏوهاري هٿيار ڦٽا ڪري پاڻ کي قانون آڏو پيش ڪري ڇڏيو آھي, تقريب ۾ ايس ايس پي شڪارپور محمد ڪليم ملڪ،اي ايس پي سٽي محمد آصف کرل سميت پوليس جا ٻيا اعليٰ آفيسرن شرڪت ڪئي,ايس ايس پي شڪارپور پريس ڪانفرنس ڪندي ميڊيا سان ڳالھائيندي چيو تہ آپريشن نجائت مھراڻ سنڌ حڪومت جي سرينڊر پاليسي جو مقصد ڏوهاري سرگرمين جو خاتمو آڻڻ آھي,علائقي ۾ امن امان قائم ڪرڻ ۽ ڏوهارين کي سماج جو ڪارائتو فرد بڻائڻ آهي,سنڌ پوليس ۽ سنڌ رينجرز جي گڏيل حڪمت عملي تحت ھن وقت 40 کان وڌيڪ انعاميافتا ڏوھاري جنھن ۾ ٻيلو تيغاڻي,علي گل تيغاڻي,عبدالرحمن تيغاڻي,سلطان بجاراڻي,وحيد سبزوئي,منظور جعفري ۽ ٻيا پيش پيا آھن,ھي ڏوھارين جي سرينڊر جو ٻيو فيز آھي ان کان اڳ 70 کان وڌيڪ ڏوھاري پيش پيا ھئا,جيڪي ھن وقت جيل ۾ سزا ڪاٽي رھيا آھن,ھي سرينڊر ٿيل ڏوھاري بہ قانوني سزا ۽ ڪاٽڻ کانپوء شرافت جي زندگي گذاريندا سنڌ حڪومت جي بھترين پاليسي سنڌ پوليس جي آپريشن نجائت مھراڻ جو نتيجو آھي,جو ڏوھاري پاڻ مرادو قانون آڏو پيش پون ٿا,ھنن چيو تہ اسان عوام جي جان مال جي تحفظ کي يقيني بڻائڻ اسان جو فرض آھي ٻين ڏوھارين کي بہ کليل پيغام ڏينداسين تہ ھو بہ سنڌ حڪومت جي سرينڊر پاليسي تحت پيش پون يا مرڻ لاء تيار ٿي وڃن قانون کان مٿائون ڪير بہ ناھي جيڪو قانون کي چيلنج ڪندو انکي ڪنھن بہ صورت بخش نہ ڪيو ويندو تقريب ۾ سيڪيورٽي جا سخت انتظام ڪيا ويا.