دادو: پولو ٽيڪنيڪل ڪاليج ويجهو نوجوان جو وڻ ۾ ٽنگيل لاش مليو

273 views | 11th Jul 2023 • سنڌي خبرون

اطلاع تي پوليس پهچي لاش اسپتال منتقل ڪيو، غلام شبير چنو طور سڃاڻپ

دادو (ڊ ر) ٿاڻو بي سيڪشن حد پولو ٽيڪنيڪل ڪاليج لڳ نوجوان جو وڻ ۾ ٽنگل لاش پوليس ھٿ ڪري ورتو جنهن جي سڃاڻپ مزمل ٽائون جي رھواسي 18 سالا غلام شبير چنو ولد بخشل چنو طور ٿي آهي پوليس پاران وارثن کي اطلاع ڪري لاش کي سول اسپتال دادو پھچايو ڊيوٽي ڊاڪٽر نوجوان فوت ٿيڻ جي تصديق ڪرڻ بعد فوتي جي ماء عنايتان زال صديق چنو پاران روئيندي دانھيو ته منهنجو پٽ ٻي مڙس بخشل چنو مان ھو جيڪو جمالي برادري وٽ ترسيل ھو اسانکي شڪ آهي ته نوجوان کي قتل ڪري خدڪشي جو ڊرامو ڪري اطلاع ڏنو ويو آهي ھن ايس ايس پي دادو کان جاچ ڪرڻ جو مطالبو ڪيو جڏهن ته جمالي برادري چيو ته اسان لاش کي وڻ ۾ ٽنگيل ڏٺو ته وارثن کي اطلاع ڪيو آهي ٻي طرف ٿاڻو بي سيڪشن جي وڏي منشي علي بخش لنڊ ٻڌايو ته فوتي ھفتي کان گھران ڪاوڙجي نڪتل ھو پھرئين جاچ موجب واقعو خدڪشي جو لڳي ٿو وڌيڪ جاچ جاري آهي ھوڏانھن اسپتال ۾ ضروري ڪاروائي بعد لاش کي گھر نيو ويو ته گھر ۾ ڪھرام مچي ويو