سجاول ۾ ڊي سي جي صدارت ھيٺ ايندڙ عام چونڊن جي تياري بابت اجلاس

143 views | 07th Dec 2023 • سنڌي خبرون

سجاول ۾ ڊي سي جي صدارت ھيٺ ايندڙ عام چونڊن جي تياري بابت اجلاس

سجاول (گلشيرميربحر) ڊپٽي ڪمشنر سجاول جي صدارت هيٺ ايندڙ عام چونڊن جي تيارين بابت اجلاس, ڊپٽي ڪمشنر عبدالواجد شيخ جي صدارت هيٺ ايندڙ عام چونڊن جي تيارين بابت اجلاس منقعد ٿيو، جنهن ۾ ايس ايس پي شهلا قريشي، ضلعي اليڪشن ڪمشنر افتخار حسين سميت ضلعي جي سمورن اسسٽنٽ ڪمشنرن، ايجوڪيشن ورڪس، تعليم، صحت ۽ ٻين لاڳاپيل آفيسرن شرڪت ڪئي. ان موقعي تي بريفنگ ڏيندي ايجوڪيشن ورڪس کاتي جي عملدارن ٻڌايو ته پولنگ اسٽيشنن جو ترقياتي ڪم ٻن ڏينهن اندر شروع ڪيو ويندو جڏهن ته سموريون پولنگ اسٽيشنون 31 ڊسمبر 2023ع کان اڳ حوالي ڪيون وينديون. ان موقعي تي ڊپٽي ڪمشنر ايجوڪيشن ورڪس کاتي جي عملدارن کي هدايت ڪئي ته تجويز ڪيل پولنگ اسٽيشنن جي مرمت سميت انھن ۾ پاڻي، بجلي، بائونڊري وال، واش رومز ۽ ٻين مسنگ سهولتن جي فراهمي کي يقيني بڻايو وڃي. هن سمورن اسسٽنٽ ڪمشنرن کي پڻ هدايت ڪئي ته هو پولنگ اسٽيشنن جي ترقياتي ڪمن جي نگراني کي يقيني بڻائين ۽ ان حوالي سان رپورٽ پيش ڪن. ڊپٽي ڪمشنر چيو ته چونڊن واري عمل کي مڪمل ڪرائڻ لاءِ اليڪشن ڪميشن جي مدد ڪرڻ ضلعي انتظاميہ جي آئيني ۽ قانوني ذميواري آهي.