ڪراچي جي پي ايس 98 جي پ پ اميدوار حاڪم جسڪاڻي جي ڪارنر گڏجاڻين ۾ شرڪت

views | 19th Jan 2024 • سنڌي خبرون

ڪراچي جي پي ايس 98 جي پ پ اميدوار حاڪم جسڪاڻي جي ڪارنر گڏجاڻين ۾ شرڪت

ڪراچي(رپورٽر)پي ايس 98 جي صوبائي تڪ تي پ پ اميدوار حاڪم جسڪاڻيء جي پوزيشن مضبوط ٿيڻ لڳي۔ ڪراچي جي قديم وسندي شاھنواز شر ڳوٺ ۽ يوسي 03 ۾ عوامي ميڙاڪو۔ مختلف برادرين پاران پ پ اميدوار کي گلن جا ھار پارائي شاندار آجيان ڪئي وئي۔اوھان سان ڪيل ھر واعدو وفا ڪندس عوام کي مايوس نه ڪنداسين:حاڪم علي جسڪاڻي۔خبر موجب ڪالھ ڪراچي جي قديم سنڌي وسندي شاھنواز شر ڳوٺ ۾ يوسي 03 جي جنرل ڪائونسلر پرويز احمد راڄپر۔ علي ڏنو ٽانوري۔ عبدالرحمان معرفاڻي۔ عبدالرسول چانڊيو۔ حاڪم علي چنو۔ فقير رياضت علي ۽ ٻين پاران عوامي ميڙاڪو ڪوٺايو ويو۔ تقريب ۾ ڳوٺاڻن ڳالھائيندي شڪايتون نوٽ ڪرايون ته ڳوٺ ۾ ترقياتي ڪم ڪرايا وڃن ۽ سڪيورٽي جو نظام بھتر ڪيو وڃي۔ باقي اسان جو سمورو ڳوٺ ۽ مختلف برادرين جو ووٽ پ پ اميدوار کي ھوندو۔ عوامي ميڙاڪي کي خطاب ڪندي پي ايس 98 صوبائي تڪ جي نامزد اميدوار حاڪم علي جسڪاڻي خطاب ڪندي چيو ته لڪ جو عوام اڄ معاشي مصيبت کي ڀوڳي رهيو آهي، مخالف ۽ لساني جماعت جي اڳواڻن نفرتن ۽ ورهاڱي جي سياست ڪري سڄي ملڪ کي ورهائي ڇڏيو آهي،ھن ڀيري عوام جي طاقت ۽ ساٿ سان پ پ جي حڪومت هوندي ته نفرت ورهائڻ جي سياست ختم ڪنداسين،ھن چيو ته اسان عوامي خدمت تي يقين رکون ٿا، پ پ جو مقابلو ٻئي ڪنهن سان ناهي، پر اسان جو مقابلو بک، بيروزگاري ۽ دهشتگردي سان آهي،ھن چيو ته اوھان ڏسو ته ڪراچي جون سوسائيٽيون ھجن ڳوٺ ھجن پر انهن کي جيڪڏهن مالڪڻا حق ڏنا آهن ته پاڪستان پيپلزپارٽيء آهي آئون اميد ٿو ڪريان ته پي ايس 98 جو عوام اسان کي ڪامياب ڪندو۔ ان موقعي تي ڪامريڊ صاحب خان جسڪاڻي۔ يوسي 04 جو چيئرمين بشير خاصخيلي۔ حسين بخش ناريجو۔ حنيف سومرو۔ لياقت بليدي۔ مراد بلوچ۔ محسن جسڪاڻي۔ سلمان جسڪاڻي۔ وقار جسڪاڻي۔ محمد يعقوب سولنگي ۽ ٻيا پڻ عوامي ميڙاڪي ۾ شريڪ ٿيا۔