موھن جو دڙو ويجھو شادي ڪاڄ دوران فائرنگ ۾ نينگر قتل، خوشيون ماتم ۾ تبديل

140 views | 05th Feb 2024 • سنڌي خبرون

موھن جو دڙو ويجھو شادي ڪاڄ دوران فائرنگ ۾ نينگر قتل، خوشيون ماتم ۾ تبديل

موهن جو دڙو(معشوق مشوري) موهن جو دڙو ائيرپورٽ ٿاڻي جي حد ڳوٺ وڪڙو ۾ گذريل ڏينهن نوجوان نروار ماڇي جي شادي ڪاڄ ۾ سوٽ هٿان پسٽل جو فائر ٿيڻ تي گولي لڳڻ سبب 8 سالن جو معصوم نينگر حسنين پٽ مجيب الرحمان ماڇي فوت ٿي ويو آهي. شادي ڪاڄ ۾ اوچتو اهڙو واقعيو ٿيڻ تي شادي جون خوشيون ماتم ۾ تبديل ٿي ويون. هوڏانهن فوتي نينگر جو لاش پوسٽ مارٽم لاء ڏوڪري اسپتال منتقل ڪيو ويو. جتي پوسٽ مارٽم بعد نينگر حسنين ماڇي جو لاش وارثن حوالي ڪيو ويو آهي. لاش گهر پهچڻ تي گهر ڀاتين ۾ ماتم مچي ويو. جڏهن تہ ايئرپورٽ پوليس فائر ڪندڙ جوابدار اسد عرف انيس ماڇي کي گرفتار ڪري ورتو آهي. هوڏانهن ايئرپورٽ پوليس جو چوڻ هو ته ڳوٺ وڪڙو ۾ شادي جي هلندڙ تقريب دوران فائرنگ ڪرڻ سبب گولي لڳڻ جي نتيجي ۾ 8 ورهين جو حسنين ماڇي فوت ٿي ويو آهي. پوليس موجب وارثن جي مرضي مطابق ڪيس داخل ڪيو ويندو. پوليس موجب هو وڌيڪ جاچ ڪري رهيا آهن، هوڏانهن فوتي نينگر جي چاچي منير احمد ماڇي جو چوڻ هو ته اسان جي معصوم کي بي گناهہ گولي هڻي هنن سان ظلم ڪيو ويو آهي.