لاڙڪاڻي ۾ ٻي ھڪ ڏينھن واري تحقيقي پوسٽر نمائش جو اھتمام، شاگردن روڪ انعام تقسيم

لاڙڪاڻي ۾ ٻي ھڪ ڏينھن واري تحقيقي پوسٽر نمائش جو اھتمام، شاگردن روڪ انعام تقسيم

لاڙڪاڻو (بيورو) شھيد محترمہ بينظير ڀٽو ميڊيڪل يونيورسٽي جي وائيس چانسلر پروفيسر ڊاڪٽر نصرت شاہ جي خاص ھدايتن تي ORIC طرفان ٻي ھڪ روزا تحقيقي پوسٽر مقابلي جو انعقاد ڪيو ويو ، تحقيقي نمائش ۾ ھڪ سو کان وڌيڪ پوسٽر مقابلي لاء پيش ڪيا ويا ، پوسٽر نمائش ۾ شھيد محترمہ بينظير ڀٽو ميڊيڪل يونيورسٽي جي سمورن ڪاليجن سميت پوسٽ گريجوئيٽ جي شاگردن ڀرپور حصو ورتو ، ان موقعي تي وائيس چانسلر پروفيسر ڊاڪٽر نصرت شاہ چيو تہ يونيورسٽي جو حقيقي ڪم تحقيق آھي ۽ اسان ان تحقيق جو ڀرپور آجيان ڪنداسين جنھن جو سڌو فائدو عام ماڻھو کي پھچي ٿو ، ڊاڪٽر مير حسن چيو تہ ھي پنھنجي نوعيت جي ٻي تحقيقي پوسٽر نمائش آھي ،يونيورسٽي سدائين تحقيق کي فروغ ڏنو آھي ، پرنسپال چانڊڪا ميڊيڪل ڪاليج پروفيسر ضمير احمد سومرو ORIC جي ڪاوشن جي ساراھ ڪئي ، تحقيقي نمائش ۾ پھرين ڏھن کٽندڙ ٽيمن کي وائيس چانسلر طرفان ڏھ ڏھ هزار نقد انعام ڏنا ويا ، جڏھن پوسٽ گريجوئيٽ شاگردن مان پھرين پوزيشن ڊاڪٽر ايم پي شھاڻي ، ٻي پوزيشن پروفيسر سراج الدين سومرو ، ٽين پوزيشن ڊاڪٽر قرت العين حاصل ڪئي جڏھن ججز جي پينل ۾ ڪراچي يونيورسٽي مان پروفيسر مھتاب عالم ، ڊائو يونيورسٽيءَ مان ڊاڪٽر ايم بلال اعظمي ، پروفيسر سيف الله ڄامڙو ، پروفيسر خورشيد احمد عباسي ۽ ڊاڪٽر سيد فيضان شاہ شامل ھيا. تحقيقي نمائش ۾ ، ڊين پروفيسر ڊاڪٽر قرار شاہ ، ڊين پروفيسر محمد حنيف احمد شيخ ، پروفيسر سليم شيخ ، پرنسپال نرسنگ غلام عباس پھنور ، ڊاريڪٽر فيزيوٿراپي ڊاڪٽر مڪيش ڪمار ، ڊاڪٽر فھد جبران ، ممتاز ٻرڙو ، سلطان احمد ڀٽو ، نذير احمد ٻرڙو ، راشد جاويد ابڙو ، سمير احمد دل سميت ، وڏي تعداد ۾ فيڪلٽي ، آفيسرن ۽ شاگردن وڏي تعداد ۾ شرڪت ڪئي ، اھڙو بيان پريس يونيورسٽيءَ جي پريس ترجمان عبدالصمد ڀٽيءَ طرفان جاري ڪيو ويو