ٺٽي ۾ لطيف شناسائي جو پروگرام منعقد، شاگرد ۽ شاگردياڻيون شريڪ

ٺٽي ضلعي جي چارن ئي تعلقن جي شاگردن ۽ شاگردياڻين حصو ورتو

ٺٽو (محمد شفيق ڀٽي)لطيف شناسائي ضلعي ٺٽي جو پروگرام گورنمينٽ بوائز ھا۽ اسڪول مخدوم ابوالحسن ٺٽوي مڪلي ۾ وڏي جوش ۽ جذبي سان منعقد ڪيو ويو، جنهن ۾ ٺٽي ضلعي جي چارن ئي تعلقن جي شاگردن ۽ شاگردياڻين حصو ورتو. ھنن مقابلن جو مقصد نوجوان نسل ۾ شاھ لطيف جو پيغام عام ڪرڻ آهي. ھنن مقابلن سان تعليمي ادارن ۾ لطيف شناسائي جي فروغ مليو آهي. لطيف شناسائي جي سلسلي ۾ وائي، بيت بازي، سوال جواب، تقرير، خطاطي ۽ تصوراتي مصوري جا مقابلا ٿيا.ججن جي فيصلي موجب پھرين پوزيشن تي آيل شاگردن، شاگردياڻين ۾، بيت بازي ۾ سارنگ ڪلمتي بوائز ھا۽ اسڪول احمد خان ڪلمتي، وائي ۾ فتح زينب گرلز ھا۽ اسڪول مڪلي، تقرير ۾ غلام فاطمه گرلز ھا۽ اسڪول مڪلي، تصوراتي مصوري ۾ لشباح يعقوب گرلز ھا۽ اسڪول مڪلي، سوال جواب ۾ مهرنسا گرلز ھا۽ اسڪول گھارو، ۽ خطاطي ۾ پھرين پوزيشن حورين اعواڻ گرلز ھا۽ اسڪول گھارو پنهنجي بهترين ڪارڪردگي سان ڪاميابي حاصل ڪئي. .پروگرام جي آخر ۾ معزز مهمانن پنھنجا خيال ونڊيا ۽ شاهه عبداللطيف ڀٽائي جي فڪر ۽ فلسفي تي روشني وڌي. ھنن ٻڌايو تي لطيف شناسائي جو ھفتو ملهائڻ جو مقصد نئين نسل کي شاهه عبدالطيف جي فلسفي ۽ سنڌ جي قديمي ثقافت کان واقف ڪرڻ آهي ته جيئن نئين نسل ۾ اتساهه پيدا ٿي سگهي. مھمانن چيو ته شاهه عبداللطيف ڀٽائي امن، محبت ۽ انسان دوستي جو سفير هو، هن پنهنجي ڪلام ذريعي امن، سلامتي، محبت، ڀائپي جو پيغام ڏنو. شاھ لَطيف جو ڪلام عالمي سچائي آهي. ان ڪلام جو ڪنهن خاص زمان يا مڪان سان تعلق ڪونهي. اهو علم آهي، سچ آهي. ان آسماني خوبيءَ جي ڪري، شاهه جو پيغام دنيا جي سڀني انسانن کي، زندگيءَ جي هڪڙي مقصد تي متحد ڪري سگهي ٿو ۽ عالم سڀ آباد ٿيئڻ جو درس ڏئي ٿو. معزز مهمانن ۾ نومان صديقي اسسٽنٽ ڊائريڪٽر ايجوڪيشن حيدرآباد ريجن، ڊاڪٽر نذير احمد ميمڻ ريجنل فوڪل پرسن لطيف شناسائي، سيد جھانگير شاهه ريجنل ڪوآرڊينيٽر حيدرآباد ريجن، الله بخش سولنگي ريجنل ڪوآرڊينيٽر، ڊسٽرڪٽ ايجوڪيشن آفيسر ٺٽو حضور بخش خاصخيلي، ڊپٽي ڊسٽرڪٽ ايجوڪيشن آفيسر محمد شفيق آرائين، ڊسٽرڪٽ ايجوڪيشن آفيسر پرائمري ٺٽو نور محمد سرائي، گسٽا صدر ضلعو ٺٽو غلام نبي خشڪ، اڳوڻو اسٽيڊا ڊاريڪٽر محمد صديق پليجو، عبدالرحيم سومرو، اڳوڻو پرائمري آفيسر ٺٽو، محمد رحيم سومرو ڊپٽي ايجوڪيشن آفيسر پرائمري ٺٽو، ڊسٽرڪٽ فوڪل پرسن ابوبڪر پالاري،.تعلقه ايجوڪيشن آفيسر ڪاشف شفيق آرائين، ڊسٽرڪٽ ڪوآرڊينيٽر لطيف شناسائي سائين امداد حسين قريشي، تعلقه فوڪل پرسن ٺٽو عبدالحميد مھراڻوي, ۽ ٻين خطاب ڪيو. جڏھن ته شاگردن ۽ شاگردياڻي جي حوصله افزائي لاء لطيف جا ڄاڻو ۽ اديب موجود رھيا، جن ۾ سڪندر علي جانيارو، علي اڪبر پالاري، انور الدين ڪلمتي بلوچ، محمد مارو خشڪ، نور لطيفي، فوزيه رند، خالده ماڪ خشڪ، سلمي قريشي، خان محمد ھلايو، شيراز ميمن، معروف اديب شيراز ميمن، سينئر صحافي اقبال جاکرو، امير عثمان ميمن، تعلقه ڪميٽي ميمبر محمد صفدر ٺٽو ۽ ٻيا شامل ھئا. تقريب جي آخر ۾ ڪاميابي ماڻيندڙ شاگردياڻين ۽ شاگردن کي مھمانن ٽرافيون ۽ سندون ڏنيون.