عمرڪوٽ جي اسڪالر پبلڪ گرلس هاءِ اسڪول ۾ تعليمي ۽ ثقافتي تقريب منعقد

شاگردن ۽ شاگردياڻين پاران مختلف ٽيبلوز پيش ڪيا ويا

عمرڪوٽ(رپورٽ:ڪانجي مل رکيسر) عمرڪوٽ ۾ اسڪالر پبلڪ گرلس هاء اسڪول طرفان ساليانو تعليمي ثقافتي تقريب منعقد ڪئي ويئي جنهن ۾ شاگردن طرفان ثقافتي ٽيبلو ۽ بهترين تقريرون ڪيون ويون تقريب کي خطاب ڪندي ڊگري ڪاليج عمرڪوٽ جي پرنسپال عبدالرؤف سومرو چيو ته اهڙا پروگرام ٻارن جي ذھني نشونما لاءِ بهترين ثابت ٿيندا آهن ۽ شاگردن جو ٽيلينٽ نکرجندو آهي سول سوسائٽي سپورٽ پروگرام جي ڊسٽرڪٽ مينيجر ميرحسن آريسر چيو ته سنڌ جون ريتون رسمون هڪ حسين روپ آھن جن کي زنده ڪرڻ لاءِ اهڙا پروگرام تمام ضروري آهن زرعي يونيورسٽي جي پروفيسر ذوالفقار مري چيو ته هم نصابي سرگرميون شاگردن کي اڳتي وڌڻ جو موقعو فراهم ڪنديون آهن زليخان پنهور چيو ته عورت والدين جا خواب کڻي درسگاهن ۾ اچي ٿي انهن خوابن جي ساڀيان لاءِ محنت ڪرڻ کپي خالده منير ولھاري چيو ته اڄ جي عورت هر فيلڊ ۾ پنهنجو نالو ڪمايو آهي اوهان سڀاڻي جي سنڌ آهيو محنت ڪريو ۽ پنهنجو مستقبل بهتر بڻايو شيوارام سوٽهڙ چيو ته دنيا جديد ٿيندي پئي وڃي اڄ جي ٻار کي سائنس ۽ ٽيڪنالاجي جي تعليم جي ضرورت آهي سينئر صحافي الياس ٿري چيو ته نياڻي جي تعليم گهر ۽ معاشري کي سڌارڻ ۾ اهم ڪردار ادا ڪري ٿي انڪري نياڻين کي تعليم جا موقعا فراهم ڪيو اسلم رونجهو تقريب کي خطاب ڪندي چيو ته اسان جو مقصد شاگردن کي پنهنجي ثقافت کان آگاھ ڪرڻ آهي انڪري هم نصابي سرگرمين ذريعي شاگردن کي اسين موقعا فراهم ڪندا آهيون جئين اهي پنهنجو ٽيلينٽ دنيا جي سامھون آڻي سگهن ان موقعي تي ڪوير چوهاڻ، علي نواز راهمون، جاويد ڪنڀر، گل منير ولهاري، غلام رسول ببلي بجير، عبدالحئي راهمون، سبب علي، ڪرشن ميگھواڙ، رسول بخش منڱريو، لائيبا ملڪ، نرملا، مهدي حسن راهمون، اشرف ڪنڀر، رام چارڻ، الهداد آريسر، معشوق رونجهو ۽ ممتاز ڪنڀر شرڪت ڪئي تقريب دوران شاگردياڻين ۽ شاگردن طرفان ٽيبلوز ۽ تقريرون ڪري خوب داد حاصل ڪيو