ٺٽو: سينيئر صحافي رياض خاصخيلي جي سالگرهه ملهائي وئي

بلاول سمون، عبيدالله جماري، محمد عمر سرائي، ممتاز علي سمون ۽ ٻيا شريڪ

ٺٽو( محمد شفيق ڀٽي) عوامي پريس ڪلب ٺٽو پنهنجي روايت کي برقرار رکندي سينئر صحافي رياض خاصخيلي جي سالگرهه شاندار نموني سان ملهائي. تفصيل موجب عوامي پريس ڪلب ٺٽو جي خزانچي رياض خاصخيلي جي سالگرهه جي تقريب عوامي پريس ڪلب ٺٽو ۾ منعقد ڪئي وئي، جنهن ۾ صدر بلاول سمون، نائب صدر عبيدالله جماري، جنرل سيڪريٽري محمد عمر سرائي، ممتاز علي سمون، ڪامريڊ زاھد جوکيو، مير خالد ڪيھر، سينيئر صحافي پيرل پياسي، فاروق شيخ، مظھر علي، علي نواز سيال، حفيظ چنڊ ۽ ٻين صحافين ۽ دوستن شرڪت ڪئي. ان موقعي تي صدر بلاول سمون ۽ جنرل سيڪريٽري محمد عمر سرائي چيو ته عوامي پريس ڪلب ٺٽو هميشه پنهنجي ميمبرن جي ڏک ۽ سک جي لمحن ۾ ساڻن گڏ رهيو آهي. هن خوشيءَ جي موقعي تي اسان رياض خاصخيلي جي خوشيءَ کي پنهنجي خوشي سمجھي سندس سالگره ملهائي رھيا آھيون. بعد ۾ سالگرهه جو ڪيڪ ڪٽيو ويو ۽ رياض خاصخيلي کي مبارڪباد پيش ڪئي وئي. تقريب ۾ موجود دوستن کيس اجرڪون ۽ گلن جا هار پارايا. فقير علي نواز سيال سندس درازي عمر، صحت، ۽ خوشحاليءَ لاءِ دعا ڪئي. آخر ۾ رياض خاصخيلي تقريب ۾ شريڪ دوستن جا ٿورا مڃيندي سندن ساٿ ۽ محبت تي شڪريو ادا ڪيو.