ملير بار ايسوسيئيشن پاران تڪراري ڪئنالن ۽ سنڌ جي زمين ڏيڻ خلاف ڪانفرنس منعقد

سنڌو درياھ سنڌ جو جياپو، تهذيب ۽ سڃاڻپ آهي اسان سنڌ جا قانوندان تڪراري ڪئنالن کي رد ڪريون ٿا: وڪيل اڳواڻ

ملير(رپورٽ: عبدالرشيد مورجھريو) سنڌو درياھ مان ڪئنال ڪڍڻ ۽ ڪارپوريٽ فارمنگ لاءِ سنڌ جي زمين ڏيڻ خلاف ملير بار ايسوسيئيشن طرفان ڪانفرنس منعقد ڪئي وئي جنهن ۾ سنڌ بار ڪائونسل، ملير، ڪراچي، سنڌ هاءِ ڪورٽ، ٺٽو، بدين سميت مختلف بار ايسوسيئيشن جي وڪيلن سنڌ دشمن رٿائن کي رد ڪري ڇڏيوڪانفرنس ۾ هاء ڪورٽ بارايسوسيئيشن جي صدر سرفراز ميتلو، ڪراچي بار ايسوسيئيشن جي صدر عامر وڙائچ، سنڌ بار ڪائونسل جي ميمبرن ذوالفقار جلباڻي، عبدالحفيظ لاشاري، نعيم قريشي، ، سليم مڱريو، احسان سيال، اقبال عنايت جتوئي، محمد اشرف سمون،حسين بخش ساريو ،بيريسٽر ارشد شر، ملير بار ايسوسيئيشن جي صدر ارشاد شر ،جنرل سيڪريٽري اياز چانڊيو، ناصر رضا رند، عاقب راڄپر، ۽ ٻين وڏي تعداد جي شرڪت ڪئي مقررن جو چوڻ هو ته سنڌو درياھ سنڌ جو جياپو، تهذيب ۽ سڃاڻپ آهي اسان سنڌ جا قانوندان سنڌو مٿان ڪئنال رد ڪريون ٿا هڻن چيو ته سنڌو درياءَ مٿان ڪئنال ڪڍڻ عالمي قانون ۽ پڇڙي تي آباد انسانن، ابي جيوت، ماحوليات جي بنيادي حقن جي ڀڃڪڙي آهي وفاق ۽ پنجاب پنهنجي هوڏ ختم ڪري هنن چيو ته سنڌ جي ڪروڙين ماڻهن کي بک اڃ مارڻ، سنڌ جي لکين ايڪڙ زمين بنجر ڪرڻ لاءِ ڪئنال ٺاهيا پيا وڃن ڪئنال ٺهڻ سان ڪراچي حيدرآباد سکر ميرپورخاص لاڙڪاڻو شهر به پاڻي کان محروم ٿي ويندا سنڌ ۾ پاڻيءَ جي کوٽ سبب اڳ ۽ سمنڊ لکين ايڪڙ زمين ڳڙڪائي ويو آهي جيڪڏهن وڌيڪ ڪئنال ٺاهيا ويا ته سنڌ وڌيڪ تباھ ٿي ويندي ڪارپوريٽ فارمنگ سببن زمين تي قبضو ٿي رهيو آهي هنن اعلان ڪيو ته وڪيل برادري ڪنهن به صورت ۾ قبول نه ڪندا هنن چتاءُ ڏنو ته جيڪڏهن وفاقي سرڪار فيصلا واپس نه ورتا ته سنڌ جا وڪيل سخت احتجاج ڪرڻ تي مجبور ٿي ويندا اسان اهڙا فيصلا قبول نه ڪنداسين