سنڌي ادبي سنگت شاخ ملير پاران عوامي پريس ڪلب جي نون عهديدارن جي مان ۾ آجياڻو

ملير (رپورٽ: عبدالرشيد مورجھريو) سنڌي ادبي سنگت شاخ ملير پاران عوامي پريس ڪلب ملير جي نون چونڊيل عهديدارن جي مان ۾ آجياڻو، ملير ۾ گڏيل طور علمي، ادبي سرگرميون ڪرڻ تي اتفاق، عوامي پريس ڪلب جي ملير جي ٻهراڙين ۾ علمي ، ادبي ، ثقافتي سرگرميون ڪرڻ ملير ضلع کي عالمي طور اڀارڻ ۾ اهم ڪردار ادا ڪري رهيو آهي صحافتي اداري سان هر ممڪن سهڪار ڪنداسين، راشد لکمير، سيد خدا ڏنو شاھ، نظير چنا ۽ ٻين جو تقريب کي خطاب تفصيل موجب : ملير جي علائقي رزاق آباد ۾ سنڌي ادبي سنگت شاخ ملير پاران عوامي پريس ڪلب ملير جي نون چونڊيل عهديدارن جي مان ۾ آجياڻو ڏنو ويو جنهن ۾ ساس ڪراچي جي رابطا سيڪريٽري راشد لکمير، سنڌ انڊيجينئس رائٽس الائنس جي مرڪزي صدر سيد خدا ڏنو شاھ، نامور اديب ۽ ليکڪ نظير چنا، ساس ملير شاخ جي سيڪريٽري اصغر مهرائي، سيد غفور شاھ تقوي ،قمبر ٻُٽ، سڪندر سرواڻ، رستم لڪ سميت سياسي سماجي علمي ادبي ۽ صحافتي شخصيتن وڏي تعداد ۾ شرڪت ڪئي ادبي سنگت جي اڳواڻن عوامي پريس ڪلب ملير جي نون چونڊيل عهديدارن صدر جمشيد زهراڻي ،جنرل سيڪريٽري سيد عنايت علي شاھ ،جوائنٽ سيڪريٽري غلام علي گوندر، سامي ميمڻ، ڊاڪٽر اصغر ميمڻ، فيروز ڪيريو، ايم زمان جوکيو، شهنشاهه چارڻ ،طارق جان سهتو، سيد سجاد علي شاھ اصغر لاشاري ۽ ٻين کي اجرڪن ۽ گلن جا تحفا پيش ڪيا ان موقعي تي خطاب ڪندي مقررن چيو ته عوامي پريس ڪلب ملير ٻهراڙين ۾ علمي ، ادبي ، ثقافتي سرگرميون ڪرڻ ملير ضلع کي عالمي طور اڀارڻ ۾ اهم ڪردار ادا ڪري رهيو آهي صحافتي اداري سان هر ممڪن سهڪار ڪنداسين هنن چيو ته عوامي پريس ڪلب ملير جا صحافي پنهنجي پروفيشنل ڪم سان گڏ عوام ۾ علم ۽ ساڃاهه ورهائڻ جو ڪم ڪري رهيا آهن جهالت جي اونڌاهه ۾ علم جي روشني پکيڙي عوامي پريس ڪلب پنهنجو صحافتي بنيادي ڪم ڪيو آهي پريس ڪلب جي صدر جمشيد زهراڻي چيو ته نالي ۾ صحافي جي لوڌ پيدا ٿي ويئي آهي پر صحافي سڏائڻ ۽ صحافي هجڻ م وڏو فرق آهي عملي صحافت ڪنڊن جي راه آهي جتي قربانيون ڏيڻيون پون ٿيون، دشمنيون ٿين ٿيون انتقامي ڪارروايون ڪيون وڃن ٿيون پر ڪنهن کان به ڊڄي علي اصولي پروفيشنل صحافت جو رستو نه ڇڏينداسين