ڏوڪري رائيس ريسرچ سينٽر جي ايگزيڪيوٽو ڊائريڪٽر سميت پنج آفيسر رٽائرڊ ٿي ويا

ڏوڪري(اطهر ميمڻ) ڏوڪري رائيس ريسرچ سينٽر جي ايگزيڪيوٽو ڊائريڪٽر سميت پنج آفيسر رٽائرڊ ٿي ويا رٽائرڊ آفيسرن جي مان ۾ قديمي ماڳ موهن جو دڙو تي الوداعي تقريب ڪوٺائي وئي. ڏوڪري رائيس ريسرچ سينٽر جي ايگزيڪيوٽو ڊائريڪٽر اشرف علي سومرو، مظفر علي سومرو، عالم دين ڀٽو، سونو خان گوپانگ، سليم رضا قاضي رٽائرڊ ٿي ويا آهن، رٽائرڊ آفيسرن جي مان سائنٽيس عبدالنعيم شيخ، ارشاد جوڻيجو، عبدالصمد سومرو، خادم سومرو پاران الوداعي تقريب ڪوٺائي وئي الوداعي تقريب اشرف علي سومرو خطاب ڪندي چيو ته رائيس ريسرچ سينٽر ڏوڪري جي سمورن ملازمن جو شڪر گذار آهيان جن منهنجي مان ۾ الوداعي تقريب ڪوٺائي مان بخش آهي. هن وڌيڪ چيو ته سروس دوران اداري جي ملازمن سان گڏجي اداري جي بهتري لاءِ ڪم ڪيو ۽ ڪيتريون ئي جنسون متعارف ڪرايون آهن. هن چيو ته رائيس ريسرچ سينٽر جا ملازم هڪ فيملي وانگر آهن ۽ اداري جي ملازمن جو ڏنل پيار محبت هيمشہ ياد رکندس. انهي موقعي تي ارشاد علي جوڻيجو، خادم سومرو، اڪبر چانڊيو، ، حسين بخش ابڙو، اياز ڀٽي، آفتاب ميتلو، غلام رسول سومرو، نبي بخش ڏهر، طاهر گاڏهي، راجا زبير ٻٽ، عبدالحفيظ ميمڻ، ڊاڪٽر علي اڪبر ميتلو، غلام شبير جوڻيجو، گلشن لعل اوڏ ۽ ٻين شرڪت ڪئي.