ملير: سچل ڳوٺ ۾ بدامني خلاف مختلف پارٽين پاران احتجاجي ريلي ڪڍي ڌرڻو هنيو ويو، نعريبازي
ملير (رپورٽ: عبدالرشيد مورجھريو) سچل ڳوٺ ۾ بدامني خلاف مختلف پارٽين جي اڳواڻن احتجاجي ريلي ڪڍي.ايس يو پي، پاڪستان تحريڪ انصاف، فنڪشنل ليگ، سنڌ عوامي ساٿ، جماعت اسلامي، عوامي راج تحريڪ، عوامي جمهوري پارٽي جي اڳواڻن ۽ مقامي رهواسين احتجاجي ريلي ۾ شرڪت ڪئي. سچل ڳوٺ جي مک دروازي کان جي تري اسٽاپ تائين احتجاجي ريلي ڪڍي وئي. ان موقعي تي مظاهرين پوليس خلاف سخت نعريبازي ڪندا رھيا ، ان موقعي تي ڊاڪٽر علي نواز گبول، ستار ڏاهري، عبدالواحد مغيري، قمبر حاجانو، آفتاب گوپانگ، ۽ ٻين چيو ته سچل پوليس بدامني تي ضابطو نه آندو. روز چوريون ڊڪيتيون ٿي رھيون آهن پر پوليس جي ڪن تي جونء به نٿي سري ، انھن چيو ته ڪجهه ڏينهن اڳ پوليس خلاف احتجاج ڪيو ويو هو جنهن ۾ ايس ايڇ او سچل يقين ڏياريو ھو ته بدامني تي قابو آندو ويندو ، پر ان تي عمل نه ڪيو ويو. جڏهن ته، احتجاج ڪندڙن ۾ ايس يو پي ضلعي اوڀر جي صدر ستار ڏاهري جي دڪان تان ڦرلٽ ٿي. انهن مذمت ڪندي چيو ته اسان جو خيال آهي ته پوليس چورن ۽ ڌاڙيلن کي آزاد ڇڏي ڏنو آهي. انهن چيو ته اسان سچل ڳوٺ کي ڪشمور نه بڻجڻ ڏينداسين. انهن وڌيڪ چيو ته اسان هن نااهل سنڌ پوليس جي چيف کي ٻڌائڻ چاهيون ٿا. جيڪڏهن بدامني تي ضابطو نه آندو ويو ته سڄي سنڌ ۾ ڀرپور احتجاج ڪيو ويندو ۽ ايس ايس پي ايسٽ آفيس جي سامهون بک هڙتال جو اعلان ڪيو ويندو:
0 تبصرے