ملير: ريڙهي ڳوٺ ۾ نوجوان سومر پٽ محمد علي قتل، سندس ڀيڻ گرفتار

25 views | 20th Jul 2025 • سنڌي خبرون

ملير: ريڙهي ڳوٺ ۾ نوجوان سومر پٽ محمد علي قتل، سندس ڀيڻ گرفتار

ملير (رپورٽ: عبدالرشيد مورجھريو) سڪڻ ٿاڻي جي حد ريڙهي ڳوٺ ۾ ملڪيت جي تڪرار تان 40 ورهين جو سومر ولد محمد علي قتل ٿي ويوواقعي جي اطلاع ملندي ئي پوليس واقعي واري هنڌ پهچي وئي ۽ علائقي کي گهيري ۾ آڻي شاهديون گڏ ڪرڻ شروع ڪيون ۔ ايس ايس پي ملير ڊاڪٽر عبدالخالق پيرزادو واقعي واري هنڌ جو دورو ڪندي فورنزڪ ٽيم کي طلب ڪرڻ ۽ علائقو سيل ڪرڻ جون هدايتون جاري ڪيون۔پوليس موجب ابتدائي جاچ مان ظاهر ٿيو آهي ته واقعي جي پويان ذاتي دشمني جا ڪارڻ آهن۔ مارجي ويل شخص جي لاش کي قانوني ڪارروائي بعد پوسٽ مارٽم ۽ طبي معائني لاءِ اسپتال منتقل ڪيو ويو آهي۔ايس ايس پي ملير جي نگراني ۾ واقعي جي مڪمل جاچ لاءِ گڏيل جاچ ٽيمون جوڙيون ويون آهن، جيڪي مختلف پاسن کان معاملي جي ڇنڊڇاڻ ڪري رهيون آهن۔ معلوم ٿيو آهي ته قتل الزام عورت امناکي گرفتار ڪيو ويو آهي جڏهن ته پوليس جو چوڻ آهي ته واقعي ۾ ملوث جوابدارن جي گرفتاري لاءِ مختلف هنڌن تي ڇاپا هنيا پيا وڃن، جلد اهم اڳڀرائي جي اميد آهي۔