ڏوڪري پوليس جي مبينا مقابلي ۾ نادر ڏيرو فل فراءِ

ڏوڪري (رپورٽر) ڏوڪري پوليس طرفان ڏوھارين سان مبينا مقابلو، مقابلي دوران زخمي حالت ۾ ھڪ جوابدار نادر ڏيرو گرفتار ڪرڻ جي دعوا، پوليس طرفان زخمي کي اسپتال منتقل ڪرڻ بعد مبينا زخمي جوابدار زخمن جا سور نه سھندي فوت ٿي ويو. ڏوڪري پوليس طرفان نادر ڏيرو مٿان 35 کان وڌيڪ ڪيس داخل ھئڻ جو انڪشاف ٿيو آھي. مليل معلومات موجب ڊي ايس پي ڏوڪري مير امداد ٽالپر ۽ ايس ايڇ او ڏوڪري دلي جان مگسي جي اڳواڻي ۾ ڏوڪري پوليس طرفان محرابپور روڊ تي ڏوھارين سان مبينا پوليس مقابلي ۾ ڪيترن ئي ڪيسن ۾ گھربل جوابدار نادر ڏيرو مقابلي دوران زخمي حالت ۾ گرفتار ڪرڻ جي دعوا ڪئي آھي. ڊي ايس پي ڏوڪري مير امداد ٽالپر موجب محرابپور روڊ تي گشت دوران ڏوھارين سان مقابلي ٿيو، مقابلي دوران نادر ڏيرو زخمي حالت ۾ گرفتار ڪيو ويو، جنھن کي تعلقه اسپتال ڏوڪري منتقل ڪيو ويو، جتي ھو فوت ٿي ويو. ڊي ايس پي ڏوڪري امداد ٽالپر موجب نادر ڏيرو مٿان اغوا، ڦر، ڌاڙن، چورين ء اقدام قتل جا 35 ڪيس داخل ٿيل ھئا.