ٽالهي پوليس جي مبينا زيادتين خلاف شهرين جو احتجاج

ٽالهي (رپورٽر) ٽالهي ٿاڻي تي مقرر پوليس جي مبينا زيادتين خلاف شهرين ساجد علي، اقبال، ۽ ٻين پاران پريس ڪلب پهچي احتجاج پوليس گردي نامنظور جا نعرا، اي ايس آءِ عاشق علي چانڊيو اسان جو جئيڻ جنجال بڻائي ڇڏيو ڀتو نه ڏيڻ تي ڪوڙا ڪيس داخل ڪري موت مار ڌمڪيون ڏئي پيو، اسان کي خطرو آهي تحفظ فراهم ڪيو وڃي، مظاهرين خبر موجب ٽالهي ٿاڻي تي مقرر پوليس اهلڪار جي مبينا زيادتين ۽ ناجائزين خلاف شهرين پريس ڪلب پهچي احتجاجي مظاهرو ڪري پوليس گردي نامنظور جا نعرا هڻي احتجاج ڪيو انهي سلسلي ۾ احتجاج ۾ شريڪ شهرين ساجد علي گشڪوري ، اقبال گشڪوري، جبار علي ۽ ٻين ميڊيا سان ڳالهائيندي الزام هڻندي چيو ته ٽالهي ٿاڻي تي مقرر پوليس اهلڪار اي ايس آئي عاشق علي چانڊيو ناجائز ڪيس داخل ڪري اسان جو جئيڻ جنجال بڻائي ڇڏيو آهي ڀتو نه ڏيڻ تي روز ڪوڙا ڪيس داخل ڪري موت مار ڌمڪيون ڏئي رهيو اهڙي درخواست اسان ڪورٽ سڳوري ۾ جمع ڪرائڻ کانپوءِ هاڻ مونکي ۽ منهنجي وارثن کي چرس آفيم ۽ ٻين مختلف ڪيسن ۾ ڦاسائڻ هاف فرائي ڪرڻ جون موت مار ڌمڪيون ڏيڻ سان گڏوگڏ مختلف طريقن سان حيراسمنٽ ڪري رهيو آهي اسان غريب ماڻهو آهيون اسان کي پوليس اهلڪار مان خطرو آهي هنن ايس ايس پي عمرڪوٽ سميت لاڳاپيل اختيارين کان مطالبو ڪندي گهر ڪئي ته معاملي جو نوٽيس وٺي ڪوڙا ڪيس ختم ڪري پوليس اهلڪار خلاف قانوني ڪارروائي ڪري اسان سان انصاف ڪيو وڃي ۽ تحفظ فراهم ڪيو وڃي، هوڏانهن الزام هيٺ آيل پوليس اهلڪار سان رابطو ڪرڻ تي رابطو نه ٿي سگهيو