عوامي تحريڪ ضلعي ٺٽي جي جنرل ڪائونسل جو رزاق چانڊيو جي صدرارت هيٺ اجلاس منعقد

ڪارپوريٽ فارمنگ، وسيلن جي ڦرلٽ ۽ ڊيمن ۽ ڪئنالن خلاف جدوجھد تيز ڪرڻ جو اعلان

ٺٽو(محمد شفيق ڀٽي)عوامي تحريڪ ضلعي ٺٽي جي جنرل ڪائونسل جو اجلاس ضلعي صدر رزاق چانڊيو جي صدرارت ۾ مڪلي لاشاري ھائوس تي ٿيو، اجلاس ۾ عوامي تحريڪ جي مرڪزي اڳواڻ عبدالقادر رانٽو ۽ مجيد ساگر پرھياڙ شرڪت ڪئي. ڪارپوريٽ فارمنگ، وسيلن جي ڦرلٽ ۽ ڊيمن ۽ ڪئنالن خلاف جدوجھد تيز ڪرڻ جو اعلان. اجلاس ۾ فيصلو ڪيو ويو ته 8 آگسٽ 2025 تي منجھند 3 وڳي گجو شھر ۾ ۽ 24 آگسٽ 2025 گھارو شھر ۾ ڪارپوريٽ فارمنگ، وسيلن جي ڦرلٽ، ڊيمن ۽ ڪئنالن خلاف احتجاجي مظاهرا ڪيا ويندا، سموري ضلعي جي يونٽن ۾ تعليمي ۽ تربيتي ڪلاس ھلايا ويندا. اجلاس ۾ اڳواڻن ڳالھائيندي چيو ته منشيات کي سموري ضلعي ۾ عام ڪري نوجوانن نسل کي تباھ ڪيو پيو وڃي، ان ڪُڌي ڪاروبار ۾ ضلعي جا بااثر ماڻھون ملوث آھي، ٺٽي ضلعي اندر بدامني روز ٺٽي ضلعي جي مختلف علائقن مان چوريون، ڦُرون روز جو معمول بڻيل آھن، پوليس منشيات جي ڪاروبار ۾ ملوث آھي، امن امان پاسي پوليس جي نظر ڪونھي، عوامي تحريڪ ضلعي ٺٽي طرفان مطالبو ڪيو ويو ته منشيات ۽ بدامني جو فوري نوٽيس وٺي ڪاروائي ڪئي وڃي. ٻئي پاسي ٺٽي ضلعي جي ڪوھستاني ۽ ساحلي پٽي تي زمينن جي ولار ڪري مڪامي ماڻھن جي وسيلن تي قبضا ڪيا پيا وڃن، ۽ سمنڊ جي چاڙھ سبب لکين ايڪڙ زمينون تباھ ٿي رھيون آھن، اڳواڻن مطالبو ڪيو ته ڊيلٽا ۾ پنھنجي حصي جو پاڻي ڇڏي ساحلي پٽي جون زمينون بچايون وڃن. اجلاس ۾ سنڌي شاگرد تحريڪ يونٽ دانڌاري جي جنرل سيڪريٽري شمشاد انڙ، عوامي تحريڪ ضلعي اڳواڻ رحمان چانگ جي بابا ۽ سنڌي مزدور تحريڪ ضلعي جي نائب صدر محمد خان سمون جي ڀاء جي وفات تي 2 منٽ جي خاموشيءَ ڪئي وئي. اجلاس ۾ شاھ محمد چانگ، رياض عباسي، گھنور خان زئور، خالق گندرو، بلاول لاشاري، ادريس پليجو، نور محمد ڪنڀر، غلام علي زئور، ايوب انڙ، انور پالاري، درياءَ خان زئور، حميد خشڪ، اسلم سمون، الله بخش بلوچ، ٺارو خان شيخ، امان الله بروھي، ماما ربڏنو نوحاڻي، دريا خان جت، فاضل بلاول لاشاري، معشوق انڙ، وزير سنڌي، محمد خان سمون، رحمان چانگ، ۽ ٻين شرڪت ڪئي.