ڏوڪري ۾ ڪشميرين سان يڪجهتي جي اظهار لاءِ اسسٽنٽ ڪمشنر فرزانه ميراڻي جي اڳواڻي ۾ ريلي ڪڍي وئي

ڏوڪري (اطهر ميمڻ) ڏوڪري ۾ يوم استحصال ڪشمير جي ڏھاڙي تي ڪشميرين سان يڪجهتي طور اسٽنٽ ڪمشنر فرزانہ ميراڻي،اسسٽنٽ مختيارڪار ڏوڪري قاضي امجد بشير، سپروائزر روينيو گل حسن جوڻيجو،حيدر بخش جتوئي ھاءِ اسڪول جي ھيڊ ماستر نثار احمد سولنگي سائين عبدالغفور زهراڻي،غلام مصطفيٰ کوکر ۽ ٻين جي اڳواڻي ۾ اسڪول کان ڏوڪريءَ کان ڏوڪري پريس ڪلب تائين ريلي ڪڍي وئي.ريلي ۾ شاگردن استادن توڙي ملازمن وڏي انگ ۾ شرڪت ڪئي.انهي موقعي تي ھنن خطاب ڪندي چيو ته 5 آگسٽ اھڙي ڏينهن جي ياد ڏياري ٿو جنهن ڏينهن والاريل ڪشمير جي مظلوم ماڻهن لاءِ نئين اذيت،نئين زخم ۽ نئين جدوجهد جي شروعات ٿي،اڄوڪي ڏينهن تي ڀارت آرٽيڪل 370 ۽ A35 کي ختم ڪري والاريل ڪشمير جي خصوصي حيثيت ختم ڪري ڇڏي. هنن چيو ته ان ڏينهن کان ڪشمير جا معصوم ٻار، عورتون، جوان ۽ بزرگ آزادي جي اميد سان زندگي گذاري رهيا آهن. انهن جون نظرون اڄ به دنيا جي ضمير، خاص ڪري پاڪستاني عوام تي کتل آهن. ھنن چيو ته اسان ڪشميرين کي اڪيلو نہ ڇڏينداسون، پاڪستاني عوام سدائين انهن جي حق خوداراديت جي حمايت ڪندو رهندو. ريلي ۾ فياض ڀان،عمران ميمڻ پڻ شريڪ ھئا.