سجاول ۾ ناليواري شاعره آپا مجيدي ۽ ڊاڪٽر سھيل مجيدي جو بااثرن خلاف احتجاج

ڳوٺ محمد خان مجيدي جھوڪ شريف ۾ ويٺل ڪجھ شاطر قسم جا ماڻھو مسلسل پريشان ڪري رھيا آھن: آپا مجيدي

سجاول (رپورٽر) سنڌ جي وڏي ادبي گھراڻي سان تعلق رکندڙ سنڌ جي قومي عوامي شاعر سائين محمد خان مجيدي جي نياڻي سنڌ جي ناليواري شاعره آپا مجيدي ۽ ڊاڪٽر سھيل مجيدي سورج سجاولي پريس ڪلب پھچي پريس ڪانفرنس ڪئي ,آپا مريم مجيدي ۽ ڊاڪٽر سھيل مجيدي پريس ڪانفرنس ڪندي چيو ته اسان جي ڳوٺ محمد خان مجيدي جھوڪ شريف ۾ ويٺل ڪجھ شاطر قسم جا ماڻھو مسلسل اسان کي پريشان ڪري رھيا آھن اسان جي زمين تي قبضي ڪرڻ جي ڪوشش ڪري رھيا آھن سوشل ميڊيا تي اسان جي ڪردار ڪشي ڪري رھيا آھن جيڪو زمين وارو معاملو آھي ته اھا زمين اسان اڻيھ سئو نوي ۾ کاتو ورتو ھو جنھن جا اسان وٽ سمورا ڪاغذ موجود آھن ۽ ڪورٽ سڳوري مان ٿيل فيصلي جا ڪاغذ پڻ موجود آھن پريس ڪانفرنس ڪندي چيو ته الزام ھڻندڙ لياقت جتوئي اعجاز جتوئي حاڪم جتوئي احسان جتوئي اسان کي مسلسل پريشان ڪري رھيا آھن اسان جي سوشل ميڊيا تي ڪردار ڪشي ڪري رھيا آھن اسان تي ڪوڙي الزام تراشي ڪري اسان جي زمين ڦٻائڻ ٿا چاھين مٿي ڄاڻايل ھمراہ ويٺل به اسان جي ڳوٺ محمد خان مجيدي ۾ آھن اسان ايس ايس پي سجاول ڊي سي سجاول ۽ اعلیٰ اختيارين کان گھر ٿا ڪريون ته انھن شاطر قسم جي ماڻھن خلاف ايڪشن کنيو وڃي ۽ اسان سان انصاف ڪيو وڃي کنيو وڃي