لاڙڪاڻو: ڳوٺ حڪيم سنديلو ۾ سرسو پاران ٿيٽر ڊرامي جو بندوبست

مشهور ڪاميڊين سهراب سومرو، ماما لالو ۽ سندس ٽيم فن جو مظاھرو ڪيو

لاڙڪاڻو(بيورو رپورٽ) سرسو طرفان يونيسيف پاڪستان، يو ايس ايڊ ۽ سنڌ حڪومت جي تعاون سان تعلقي باقراڻي جي يونين ڪائونسل مهراب پور جي ڳوٺ حڪيم سنديلو ۾ انٽيگريٽيڊ سروسز پروجيڪٽ تحت ٿيٽر ڊرامو منعقد ڪيو ويو، جنھن ۾ ٻوڏ ۽ برسات کان متاثر ماڻھن ۾ ٻارن جي اهم حقن بابت آگاهي پيدا ڪرڻ ۽ ٿيٽر ڊرامي جي ذريعي نفسياتي مدد فراهم ڪرڻ ھيو، جڏهن ته ٿيٽر ڊرامي ۾ سنڌ جي مشهور ٽي وي، مزاحيا، ڪاميڊين سهراب سومرو، ماما لالو ۽ سندس ٽيم فن جو مظاھرو ڪيو، جنهن جو بنيادي مقصد ٻارن جي تحفظ، صحت، غذائيت، ذهني صحت ۽ ننڍي عمر جي شادين بابت اهم پيغام پهچائڻ هيو، انکان علاوھ، ٽيبلوز، گيت، شاعري، تقريرون ۽ ٻارن سان ڪچهريون پڻ شامل آهن، جڏهن ته تقريب ۾ يونين ڪائونسل جي مختلف ٻوڏ/برسات متاثر ڳوٺن مان مردن، عورتن ۽ ٻارن سميت تمام گھڻي تعداد ۾ شرڪت ڪئي ۽ مختلف ڪرادرن ذريعي ٻارن جي حقن بابت اهم موضوعن کان آگاهي ڏني ۽ انھن جي پيش ڪيل ڊرامي مان لطف اندوز ٿيا. ان موعقتي تي جمال مصطفيٰ شورو، صائما ڪريم، شاھد حسين، سلطان چانڊيو ۽ ٻيا پڻ موجود هئا.