ملير جي سماجي اڳواڻ شفيع محمد ڄاموٽ جي ڇهين ورسي ملهائي وئي، ڀيٽا پيش

حاجي شفيع ڄاموٽ هڪ اهڙو دلير اڳواڻ هو جيڪو مظلومن جي حق لاءِ هميشه صفِ اول ۾ بيٺو رهيو:اڳواڻ

ملير (رپورٽ: عبدالرشيد مورجھريو) ملير جي سامونڊي پٽي سميت ڪراچي ٻهراڙين جي وجود ۽ بنيادي حقن لاءِ جڙيندڙ ڪردار، سياسي سماجي اڳواڻ حاجي شفيع محمد ڄاموٽ جي عوامي پريس ڪلب ملير طرفان رزاق آباد ڇهين ورسي تقريب منعقد، سياسي، سماجي اڳواڻن، صحافين، علائقي معززن ۽ ساڃاهه وندن جي وڏي تعداد ۾ شرڪت، زبردست ڀيٽا پيش، حاجي شفيع ڄاموٽ هڪ اهڙو دلير اڳواڻ هو جيڪو مظلومن جي حق لاءِ هميشه صفِ اول ۾ بيٺو رهيو اڳواڻ تفصيل موجب ملير جي سامونڊي پٽي جي ناليواري سياسي ۽ سماجي اڳواڻ، ضلعي ڪائونسل ڪراچي جي اڳوڻي چيئرمين حاجي شفيع محمد ڄاموٽ جي ڇهين ورسي عوامي پريس ڪلب ملير پاران ضلعي هيڊڪوارٽر رزاق آباد ۾ ملهائي ويئي تقريب ۾ ملير جي مختلف علائقن مان سياسي، سماجي اڳواڻن، صحافين، علائقي معززن ۽ ساڃاهه وندن پ پ ايم پي اي راجا رزاق بلوچ، سهيل ڄاموٽ ، پ پ اڳواڻ عباس ٽالپر، ايڊيجنئس الائنس جي صدر اڳواڻ قومي عوامي تحريڪ جي فرحان لاڙڪ، جسقم اڳواڻ الاهي بخش بڪڪ ، فاطمه مجيد ، ڪراچي فشر فوڪ فورم جو صدر مجيد موٽاڻي، اختر عارفاڻي ، يوسف شاھ،ايڊوڪيٽ شبير سمون، سنڌ فرنٽ جي اڳواڻ لطيف رالواڻي، ادبي سنگت گلشن حديد سيڪريٽري اصغر باغي، شبير لاکو، طالب ڪڇي ، جئي سنڌ محاذ جو علي مستوئي ، اقبال ڪلمتي ۽ ٻين شرڪت ڪئي ان موقعي تي راجا رزاق بلوچ صدارتي خطاب ڪندي چيو ته حاجي شفيع بلوچ بيباڪ سان گڏجي ڪم ڪيو آهي هو عوام دوست ۽ سماج جي ڀلائي لاءِ هميشه سرگرم رهندڙ اڳواڻ هو جنهن پنهنجي زندگي عوامي خدمت لاءِ وقف ڪري ڇڏي هئي ملير ۽ ملير جا ڳوٺ اسان جا آهن ان جي چپي چپي جي مالڪ ڪنداسين، تقريب کي خطاب ڪندي سنڌ انڊيجينيس رائيٽس لائنس جي مرڪزي صدر خدا ڏنو شاهه چيو ته حاجي شفيع ڄاموٽ جي خدمتن کي وساري نٿو سگهجي هن نه رڳو سامونڊي پٽي پر ملير سميت ڪراچي ٻهراڙين جي وجود بنيادي حقن سهولتن ۽ بقا لاءِ سدائين آواز اٿاريو هو هڪ اهڙو دلير اڳواڻ هو جيڪو مظلومن جي حق لاءِ هميشه صفِ اول ۾ بيٺو رهيو هن وڌيڪ چيو ته اڄ جو ڏينهن صرف هڪ شخص جي ورسي ناهي پر ان نظريي ۽ فڪر جي يادگيري آهي جنهن تحت حاجي شفيع ڄاموٽ ڪم ڪيو نوجوان نسل کي گهرجي ته هو سندس سوچ کي اڳتي وڌائين ان موقعي تي ايڊووڪيٽ اشرف سمون پنهنجي خطاب ۾ حاجي شفيع ڄاموٽ جي سياسي، سماجي ۽ تنظيمي ڪردار تي روشني وجهندي چيو ته هو هڪ سادو، بردبار ۽ باهمت انسان هو جنهن هر وقت گڏيل سوچ ۽ عوامي خدمت کي ترجيح ڏني هن چيو ته ملير سميت ڪراچي جا ڳوٺ خطري هيٺ آهن ڳوٺن کي شهري آبادي ۾ شمار ڪرڻ جا سانباه ڪري ڳوٺ ٺاهڻ جون تياريون ڪيو پيون وڃن پ پ ۾ نمائنده ته کوڙ آهن پر نمائندگي بلڪل ناهي پ پ چاهي ته بل منظور ڪرائي ڳوٺن کي تحفظ فراهم ڪري سگهي ٿي ورسي تقريب جي آخر ۾ مرحوم جي مغفرت لاءِ دعا گھري ويئي ۽ سندس خدمتن کي ڀيٽا پيش ڪندي چيو ويو ته حاجي شفيع ڄاموٽ جي نالي کي امر رکڻ لاءِ سندس مشن کي جاري رکيو ويندو جڏهن ته تقريب ۾ سنڌ جي نامياري شاعر سيد غفور شاھ شاعري، زاهد شيخ، عبدالخالق ڀٽي، هري رام سنڌي قومي گيت ٻڌايا ان موقعي تي فرحان لاڙڪ، الاهي بخش بڪڪ، عباس ٽالپر، يوسف شاھ، فاطمه مجيد، اصغر باغي، اسماعيل چارڻ ۽ ٻين پڻ خطاب ڪيو