بي نظير انڪم سپورٽ پروگرام ضلعي ٺٽي ۾ رڪارڊ ڪرپشن ٿي رھي آھي: عبدالله جاکرو

ٺٽو( محمد شفيق ڀٽي) پاڪستان مسلم ليگ حيدر آباد ڊويزن جي جنرل سيڪريٽري عبداللہ جاکرو،ضلعي ٺٽي جي نائب صدر عبداللہ صابرو، مسلم ليگ ليبر ونگ جي ضلعي جنرل سيڪريٽري يعقوب سمون عوامي پريس ڪلب تي پريس ڪانفرنس ڪندي چيو آھي تہ بي نظير انڪم سپورٽ پروگرام ضلعي ٺٽي ۾ رڪارڊ ڪرپشن ٿي رھي آھي،ھنن چيو تہ ضلعي ٺٽي ۾ 86 ھزار کان مٿي بينيفشري آھن،جن مان ھر ھڪ عورت جي وظيفي ۽ ٻارن جي پئسن مان 2 ھزار کان 3 ھزار ڪٽوتي ڪري ھر قسط ۾ 50 ڪروڙ کان مٿي جي ڪرپشن ڪئي پئي وڃي،ھنن چيو تہ ڊوائيز ھولڊر ۽ خانگي ايجنٽ نہ رڳو سرعام ڪرپشن ڪري رھيا آھن پر عورت بينيفشريز جي تذليل پڻ ڪئي وڃي ٿي.ھنن چيو تہ بسپ جا ذميوار آفيسر ان ڪرپشن ۾ ڀاڱي ڀائيوار آھن،ڊي جي سنڌ ۽ ڊي سي ٺٽو ايڪشن نٿا وٺن،ھنن چيو تہ بسپ پروگرام ۾ غير مستحق ۽ بوگس ماڻھون شامل ڪيا ويا آھن، جن جي انڪوائري ڪئي وڃي، ھنن وزير اعظم پاڪستان،چيئرمن بسپ پاڪستان،۽ ٻين اعلا عملدارن کان فوري طور ايڪشن وٺڻ جو مطالبو ڪيو آھي