نوشهروفيروز ۾ 25 جوڙن جون اجتماعي شاديون ڪرايون ويون، تقريب منعقد
نور رليف فنڊ پاران تقريب منعقد، جوڙن کي ڏاج به ڏنو ويو، سيد ثمر نقوي ۽ ٻيا شريڪ
نوشهرو فيروز (ڊر) سماج مان غربت ۽ گهڻي ڏاج ڏيڻ جهڙين فضول رسمن جي خاتمي،مذھبي رواداري ۽ سادگيء جي فروغ ڏيڻ لاء نور رليف فنڊ پاران 25 غريب ۽ مستحق جوڙن جي اجتماعي شاديء جي تقريب چنه شادي هال ۾ منعقد ڪئي ويئي جنهن ۾ ضلعي نوشھروفيروز جي غريب ۽ يتيم جوڙن جي چونڊ ڪئي وئي ان موقعي تي نور رليف فنڊ جي مرڪزي اڳواڻن خصوصي شرڪت ڪئي جڏهن ته سماجي اڳواڻ سيد ثمر نقوي اعجاز ممنائي عرفان چنه سيد سفير شاهه ۽ ٻين پنهنجي خيالن جو اظهار ڪندي چيو ته اڄ اجتماعي شادين جي تقريب منعقد ڪرڻ غريب ۽ مستحق ماڻھن جي خوشين ۾ اضافو ڪرڻ آھي. اڳواڻن چيو ته غربت سبب هي مسڪين ماڻهو ڪيترن ئي تڪليفن کي منھن ڏيئي رهيا هئا ۽ پنهنجي نياڻين جي شادي ڪرائڻ جي قابل نه هئا اڄ انهن نياڻين جو بار لاهي خوشيء جو اظهار ڪري رهيا آهن۔ تقريب ۾ معزز شھرين ، سياسي سماجي اڳواڻن، صحافين سميت گھوٽن ۽ ڪنوارن جي والدين وڏي انگ ۾ شرڪت ڪئي.
0 تبصرے