عمرڪوٽ يوسي گپنو مان پ پ پ اميدوارن ڪاميابي ماڻي ورتي

189 views | 24th Sep 2025 • سنڌي خبرون

عمرڪوٽ يوسي گپنو مان پ پ پ اميدوارن ڪاميابي ماڻي ورتي

عمرڪوٽ (ڪانجي مل رکيسر) يوسي گپنو جي سڀني پولنگ اسٽيشنن جي غير سرڪاري ۽ غير حتمي نتيجن مطابق پ پ پ اميدوارن شاندار ڪاميابي حاصل ڪئي آهي، پيپلزپارٽي جي چيئرمين لاءِ اميدوار رضا حميد 4110 ووٽ وٺي پهرين نمبر تي اچي ويو، جڏهن ته سندس مد مقابل حزب اختلاف جي گڏيل اميدوار زوھيب خرم آرائين 970 ووٽن سان ٻئي نمبر تي رهيو، ميمبر ضلعي ڪائونسل لاءِ پ پ پ اميدوار علي گوهر ٽالپر 4098 ووٽن سان اڳتي رهيو، جڏهن ته مخالف ڌر جي گڏيل اميدوار هري رام ڪڇي 898 ووٽن سان ٻئي نمبر تي رهيو، ڪاميابي حاصل ڪرڻ کان پوءِ پ پ پ ڪيمپ آفيس گپنو ۾ جشن ۽ مبارڪبادن جو سلسلو شروع ٿي ويو، ڪارڪنن هڪ ٻئي کي مٺاين سان مبارڪون ڏنيون.