ملير: سٽي پوليس پاران هڪ ڏوهاري کي زخمي حالت ۾ گرفتار ڪرڻ جي دعويٰ

جوابدار شهرين کان ڦر کان پوءِ ڀڄي رهيا هئا ته گشت تي موجود پوليس ٽيم سندن پيڇو ڪيو: پوليس

ملير (رپورٽ: عبدالرشيد مورٽ) ملير سٽي ۾ گشت تي موجود پوليس اهلڪارن ۽ اسٽريٽ ڪرمنلز جي وچ ۾ فائرنگ جي ڏي وٺ ٿي پوليس موجب هٿياربند جوابدارن شهرين کان ڦر کان پوءِ ڀڄي رهيا هئا ته گشت تي موجود پوليس ٽيم کي ڏسي مٿن فائرنگ ڪري ڏني پوليس جي جوابي ڪارروائي نتيجي ۾ هڪ جوابدار زخمي حالت ۾ گرفتار ڪيو ويو، جڏهن تہ سندس ساٿي موقعي تان فرار ٿيڻ ۾ ڪامياب ٿي ويو. گرفتار ٿيل زخمي ملزم جي سڃاڻپ الله داد جي نالي سان ٿي آهي پوليس ٻڌايو ته جوابدار وٽان هڪ پستول سميت ايمونشن، ٽي ڦرلٽ ڪيل موبائيل فون، هڪ موٽرسائيڪل ۽ نقد رقم هٿ آئي آهي. گرفتار ملزم کي طبي امداد لاءِ اسپتال منتقل ڪيو ويو آهي، جڏهن⁠تہ هٿ آيل هٿيار کي فرانزڪ لاءِ موڪليو پيو وڃي پوليس جو چوڻ آهي ته ملزم جو ڪرمنل رڪارڊ مختلف ٿاڻن مان چيڪ ڪيو پيو وڃي، جڏهن تہ قانوني ڪارروائي جاري آهي ۽ فرار ٿيل ملزم جي گرفتاري لاءِ مختلف هنڌن تي ڇاپا هنيا پيا وڃن