عمرڪوٽ ۾ اقليتن سان ناانصافي خلاف احتجاجي مظاهرو، حڪومت کان ڪوٽا وڌائڻ جو مطالبو

مظاهري جي اڳوڻي ايم اين اي لال مالهي، ويٽنگ ۾ ويٺل اميدوارن ڪيلاش، لالجي، چوئٿرام، پون، چندر ۽ ٻين ڪئي

عمرڪوٽ (ڪانجي مل رکيسر) سنڌ پوليس ۾ ڀرتي جي مرحلي SPD:01 دوران اقليتن سان ٿيل مبينا ناانصافي خلاف عمرڪوٽ پريس ڪلب آڏو احتجاجي مظاهرو ڪيو ويو، احتجاج ۾ سياسي ۽ سماجي اڳواڻن سان گڏ ويٽنگ ۾ ويٺل اميدوارن وڏي تعداد ۾ شرڪت ڪئي، مقررِين جو چوڻ هو ته سنڌ ۾ اقليتن کي هميشه نظرانداز ڪيو ويندو رهيو آهي، جڏهن ته سرڪاري ادارن ۾ اقليتي نوجوانن لاءِ مختص ڪيل ڪوٽا موجود هوندي به ان تي مڪمل عمل نٿو ڪيو وڃي، اڳواڻن جو چوڻ هو ته اقليتي برادري جا تعليم يافته ۽ حقدار نوجوان بيروزگار پيا رهن، جيڪي ناانصافيءَ جو شڪار آهن، مظاهري جي اڳوڻي ايم اين اي لال مالهي، ويٽنگ ۾ ويٺل اميدوارن ڪيلاش، لالجي، چوئٿرام، پون، چندر ۽ ٻين خطاب ڪندي چيو ته حڪومت فوري طور اقليتي ڪوٽا ۾ اضافو ڪري ۽ SPD:01 ۾ ٿيل مبينا ناانصافين جو جائزو وٺي، ته جيئن اقليتن سان ٿيل ڏک ختم ٿي سگهي، هنن خبردار ڪيو ته جيڪڏهن حڪومت هن اهم معاملي تي نوٽيس نه ورتو ته احتجاجي تحريڪ کي وڌيڪَ سخت ڪيو ويندو ۽ ان کي پوري صوبي ۾ وڌايو ويندو، مقررِين مطالبو ڪيو آهي ته، اقليتي ڪوٽا وڌائي وڃي، SPD:01 جي ڀرتين ۾ ٿيل مبينا ناانصافين جو ازالو ڪيو وڃي، حقدار اقليتي اميدوارن کي فوري طور نوڪرين ۾ شامل ڪيو وڃي، مقررِين وڌيڪَ چيو ته اقليتي نوجوان ملڪ جو سرمايو آهن ۽ کين نظرانداز ڪرڻ قومي ناانصافي آهي.