شڪارپور جي صحافي امير بخش بروهي جي 22هين ورسي ملهائي وئي، تقريب منعقد

views | 03rd Oct 2025 • سنڌي خبرون

شھيد امير بخش بروھي جو ڪردار اڄ بہ تاريخ ۾ امر آھي ھن ھميشہ حق سچ جي صحافت ڪئي: مقرر

شڪارپور جي صحافي امير بخش بروهي جي 22هين ورسي ملهائي وئي، تقريب منعقد

شڪارپور (احسان ابڙو) شڪارپور پريس ڪلب ۾ بھادر صحافي شھيد امير بخش بروھي جي 22 ھين ورسي جي تقريب ڪوٺائي وئي,ورسي ۾ قرآن خواني ڪئي وئي شھيد جي مزار تي حاضري ڀري گل نڇاور ڪيا ويا ۽ مغفرت لاء دعا گھري وئي, ورسي تقريب ۾ ضلعي جي مختلف علائقن خانپور, لکي غلام شاھ,ميان صاحب سميت شڪارپور پريس ڪلب جي عھديدارن صدر عبدالسلام انڙ, جنرل سيڪريٽري رحيم بخش جمالي, سينيئر صحافي سلطان رند,سوڍو جيمس, رحمت اللہ سومرو, زاھد سنجراڻي,عبدالرزاق بروھي, وحيد بروھي, ارشاد آرائين سميت ٻين ورسي تقريب ۾ شرڪت ڪئي,تقريب ۾ بھادر صحافي شھيد امير بخش بروھي جي زندگي ۽ صحافتي پورھي تي روشني وڌي وئي ۽ ڀيٽا پيش ڪئي وئي,ان موقعي تي صحافي دوستن خطاب ڪندي چيو تہ شھيد امير بخش بروھي جو ڪردار اڄ بہ تاريخ ۾ امر آھي ھن ھميشہ حق سچ جي صحافت ڪئي شھيد امير بخش غريب مظلومن جو آواز ھو شھيد جي ڪيل خدمت اڄ بہ ياد آھي,ھن کي شھيد ڪندڙ ظالم اڄ بہ درپدر آھن,ھنن چيو تہ اسان سڀني تي فرض آھي تہ اسان شھيد انير بخش بروھي سميت جيڪي شڪارپور جا شھيد توڙي فوت ٿي ويل صحافي آھن انھن جي اولاد جي سار لھو ۽ انھن جي فيملي جي مالي سھائتا لاء ڪوششون ڪيون جيئن انھن جي فيملي سڪون سان زندگي گذاري سگھن,ورسي تقريب ۾ سينيئر صحافي سطان رند طرفان اعلان ڪيو ويو تہ شھيد امير بخش بروھي کي جنھن جگاھ تي شھيد ڪيو ويو اتي ھڪ شھيد جي يادگار جوڙائي ويندي,وحيد بروھي طرفان انھن جي ٻارڙن جي مفت تعليم جي ذميواري جو اعلان ڪيو اھڙي سمورن دوستن شھيد جي خاندان جي مالي سھائتا ڪرڻ جو وچن ڪيو.