ملير: علي محمد بروهي ڳوٺ ۾ نينگريءَ سان مبينا نازيبا حرڪتون، 2جوابدار گرفتار

130 views | 03rd Oct 2025 • سنڌي خبرون

ٽن ڄڻن پاران ڇهن ورهين جي نينگري سان نازيبا حرڪتن واري وڊيو سامهون اچڻ بعد علائقي واسين ۾ تاءُ

ملير: علي محمد بروهي ڳوٺ ۾ نينگريءَ سان مبينا نازيبا حرڪتون، 2جوابدار گرفتار

ملير (رپورٽ: عبدالرشيد مورجھريو) ابراهيم حيدري ٿاڻي جي حدن ۾ واقع علي محمد بروهي ڳوٺ ۾ ٽن نوجوانن مبينه طور 6 سالن جي نينگريءَ سان نازيبا حرڪتون ڪيون. واقعو جي وڊيو منظرعام تي اچڻ شرط ئي علائقي ۾ خوف ۽ هراس پکڙجي ويو ۽ رهواسي سخت پريشان ٿي ويا پوليس موجب اهو واقعو رات ٻه وڳي جي لڳ ڀڳ پيش آيو. اطلاع ملندي ئي ابراهيم حيدري پوليس فوري ڪارروائي ڪندي جوابدار محمد بلال ۽ عبدالله کي گرفتار ڪري ورتو. گرفتار ڪيل جوابدارن کان ابتدائي تحقيقات جاري آهي، جڏهن ته متاثر نينگريءَ کي طبي معائني لاءِ اسپتال منتقل ڪيو ويو آهي پوليس عملدارن جو چوڻ آهي ته واقعي جي وڌيڪ جاچ ڪئي پئي وڃي ته جيئن حقيقت سامهون اچي سگهي. جوابدارن خلاف قانون موجب ڪارروائي ڪئي پئي وڃي ۽ متاثر خاندان کي مڪمل تحفظ ڏيڻ جي به خاطري ڪرائي وئي آهي علائقي جي رهواسين پوليس جي فوري ڪارروائي کي ساراهيو ۽ مطالبو ڪيو ته اهڙن ڏوهارين کي سخت کان سخت سزا ڏني وڃي ته جيئن مستقبل ۾ اهڙا واقعا روڪي سگهجن