عمرڪوٽ ۾ نوجوانن جي قيادت لاءِ مثالي قدم سيو دي لائوز فائونڊيشن پاران ٽريننگ سيشن مڪمل

ڇھين يوٿ ليڊرشپ ٽريننگ ڪاميابي سان مڪمل، پاڪستان يوٿ ليڊرشپ انيشيٽو تحت 36 نوجوانن کي تربيت ڏني وئي

هن پروگرام کي وزيراعظم يوٿ پروگرام، هائير ايجوڪيشن ڪميشن، واٽر ايڊ، يو اين ڊي پي، ۽ سول سوسائٽي تنظيمن جي ڀائيواري حاصل آھي،مقرر عمرڪوٽ (رپورٽ:ڪانجي مل رکيسر) سيو دي لائوز فائونڊيشن (Save the Lives Foundation) پاران پاڪستان يوٿ ليڊرشپ انيشيٽو (PYLI) جي منصوبي تحت عمرڪوٽ ۾ ڇھين يوٿ ليڊرشپ ٽريننگ ڪاميابي سان مڪمل ڪئي وئي، جنهن ۾ مختلف ڳوٺن جا 36 نوجوان مرد ۽ عورتون شرڪت ڪئي، PYLI ھڪ ٽي ساله تبديلي آڻيندڙ قومي پروگرام آھي، جيڪو برٽش ڪائونسل پاڪستان جي اڳواڻي ۾ ۽ ايجوڪيشن ابوو آل فائونڊيشن جي ريچ آئوٽ ٽو آل (ROTA) پروگرام جي سهڪار سان عمل هيٺ آھي، هن پروگرام کي وزيراعظم يوٿ پروگرام، هائير ايجوڪيشن ڪميشن، واٽر ايڊ، يو اين ڊي پي، ۽ سول سوسائٽي تنظيمن جي ڀائيواري حاصل آھي، PYLI جو بنيادي مقصد ملڪ جي مختلف علائقن مان 90 هزار نوجوانن کي گلوبل سٽيزن شپ ايجوڪيشن، قيادت ۽ ڪلائميٽ ايڪشن بابت تربيت ڏيڻ آھي، جيئن اھي نوجوان پائيدار ترقي ۽ ماحولياتي تحفظ ۾ اڳڀرا ٿي سگھن، چار ڏينهن تي مشتمل هن تربيت دوران نوجوانن کي قيادت ۽ سماجي خدمت جا اصول، ماحولياتي ذميواري، ڪميونٽي ليڊرشپ ۽ گلوبل سٽيزن شپ جا عملي سبق سيکاريا ويا، تربيت مڪمل ٿيڻ کانپوءِ، شرڪت ڪندڙ نوجوان پنهنجي علائقن ۾ يوٿ ليڊ ايڪشنز (YLAs) شروع ڪندا، جن ۾ فضلي (ڪچري) جو منظم انتظام، پاڻي جي بچت ۽ تحفظ، قابلِ تجديد توانائي جي واڌاري، اسڪولن ۽ ڪاليجن ۾ ماحولياتي آگاهي پروگرام شامل آھن، سيو دي لائوز فائونڊيشن جي نمائندن چيو ته اسان جو مقصد نوجوانن کي بااختيار بڻائڻ، انهن ۾ قيادت ۽ ماحولياتي شعور پيدا ڪرڻ آهي، جيئن هو پنهنجي ڪميونٽيز ۾ مثبت تبديلي آڻي سگهن، فائونڊيشن جو چوڻ آهي ته PYLI ذريعي تربيت حاصل ڪندڙ نوجوان مستقبل ۾ پاڪستان جي ماحولياتي استحڪام ۽ پائيدار ترقي ۾ مرڪزي ڪردار ادا ڪندا.