ملير: شاهه لطيف ٽائون واسين جو قبضاگيرن ۽ ڀتي خورن خلاف احتجاج

قبضا 2009ع ۾ شروع ٿيا، جڏهن سيڪٽر 30 تي قبضي بعد ان کي “در محمد ڳوٺ” جو نالو ڏنو ويو: رهواسي

ملير (رپورٽ: عبدالرشيد مورجھريو) شاهه لطيف ٽائون ملير ڊولپمينٽ اٿارٽي (MDA) جي اسڪيم 25 جا رهواسي گذريل 15 ورهين کان لينڊ گريبرز ۽ ڀٽي خورن جي عذاب ۾ مبتلا آهن علائقي واسين گذريل ڏينهن احتجاجي مظاهرو ڪندي ميڊيا کي ٻڌايو ته پلاٽن تي قبضا ۽ ڀٽي خوري جو سلسلو جاري آهي، جڏهن ته ڪجهه حڪومتي عنصرن جي پشت پناهي سبب انهن گروپن جا حوصلا وڌيڪ بلند ٿي ويا آهن متاثرين موجب قبضا 2009ع ۾ شروع ٿيا، جڏهن سيڪٽر 30 تي قبضي بعد ان کي “در محمد ڳوٺ” جو نالو ڏنو ويو. شهري اعليٰ عدالتن سان رجوع ڪيو، جتي هاءِ ڪورٽ ۽ سپريم ڪورٽ ڪيترائي ڀيرا انهن ڳوٺن کي جعلي قرار ڏئي خالي ڪرائڻ جا حڪم ڏنا، پر افسوس جو عدالتي حڪمن تي عمل نه ٿي سگهيو رهواسين الزام هنيو ته ڀتو نه ڏيڻ تي کين قتل جون ڌمڪيون ڏنيون وڃن ٿيون، ۽ جيڪڏهن ڪو مالڪ پنهنجي پلاٽ تي تعمير شروع ڪري ته رات جي اوندهه ۾ ديوارون ڪيرائي ڇڏيون وڃن ٿيون ۽ هٿياربند ماڻهو مقرر ڪري ڇڏيا وڃن ٿا متاثر شهري سرفراز آرائين ٻڌايو ته 21 سيپٽمبر 2025ع تي جڏهن هن پنهنجي ڪمرشل پلاٽن (5758-SC، سيڪٽر B-30) تي تعمير شروع ڪئي ته ان کان 10 لک رپيا ڀتو گهريو ويو ۽ قتل جي ڌمڪي ڏني وئي شاهه لطيف ٽائون جي رهواسين سنڌ حڪومت، ڊي جي ايم ڊي اي، ڊي سي ملير، ايس ايس پي ملير۽انڪروچمينٽ پوليس کان مطالبو ڪيو آهي ته لينڊ گريبرز ۽ ڀتو خور مافيا خلاف فوري ۽ مؤثر ڪارروائي ڪئي وڃي.عدالتي حڪمن تي عمل ڪرائي سڀ غير قانوني قبضا ختم ڪيا وڃن.شهريَن جي پلاٽن، گهرن ۽ جان و مال جو تحفظ يقيني بڻايو وڃي علائقي واسين خبردار ڪيو آهي ته جيڪڏهن حڪومت هاڻي به عملي قدم نه کنيو ته علائقي ۾ ڪنهن وڏي تصادم جو خطرو وڌي سگهي ٿو، جنهن جي سڄي ذميواري سنڌ حڪومت ۽ لاڳاپيل ادارن تي هوندي.