رزاق آباد ۾ سرڪاري ڊسپينسري جي ڇت جا چاپڙا ڪري پيا، مريض ۽ ڊاڪٽر معجزاڻي طور بچي ويا

ڊسپينسري اندر مريض علاج ڪرائڻ لاءِ موجود هئا ته اوچتو ڇت جا چاپڙ ڪرڻ لڳا، جنهن سبب ڀاڄ پئجي ئي

ملير (رپورٽ: عبدالرشيد مورجھريو) رزاق آباد جي علائقي ۾ قائم سرڪاري ڊسپينسري ۾ صبح جو اوچتو ڇت جا چاپڙ ڪري پيا. خوش قسمتيءَ سان ڊاڪٽر، عملو ۽ مريض معجزاڻي طور محفوظ رهيا ۽ وڏي جاني نقصان کان بچي ويا اکين ڏٺن شاهدن موجب جڏهن واقعي وقت ڊسپينسري اندر مريض علاج ڪرائڻ لاءِ موجود هئا ته اوچتو ڇت جا چاپڙ ڪرڻ لڳا، جنهن سبب مريضن ۽ عملدارن ۾ شديد خوف ۽ ڀاڄ پئچي وئي. ڊاڪٽر ۽ مريض جان بچائي ٻاهر نڪري آيا.اهو واقعو ابراهيم حيدري ٽائون جي سرڪاري ڊسپينسري ۾ پيش آيو. ڊسپينسري جي عملي موجب هو ڪيترائي ڀيرا لکت ۾ شڪايتون ۽ درخواستون ڏئي چڪا آهن ته عمارت جي مرمت ڪئي وڃي، پر اڃا تائين ڪو به عملي قدم نه کنيو ويو.عملدارن جو چوڻ هو ته جيڪڏهن مريضن ۽ عملي کي وقت سر ٻاهر نه ڪڍيو وڃي ها ته وڏو سانحو ٿي سگهي پيو. عملدارن حڪومت کان مطالبو ڪيو آهي ته ڊسپينسري جي عمارت کي فوري طور مرمت ڪري محفوظ بڻايو وڃي، جيئن انساني زندگيون خطري ۾ نه پون