اسسٽنٽ ڪمشنر علي شان ملڪ، ٽائون ڪميٽي جو چيئرمين، ٽائون آفيسر ۽ ڪائونسلر به موجود هئا
نوشهروفيروز (ڊ ر) ڊپٽي ڪمشنر نوشهروفيروز محمد ارسلان سليم اڄ ٽائون ڪميٽي مٺياڻي ۾ هڪ اجلاس جي صدارت ڪئي. اسسٽنٽ ڪمشنر نوشهروفيروز علي شان ملڪ پڻ ڊپٽي ڪمشنر سان گڏ موجود هئا. ٽائون ڪميٽي جو چيئرمين، ٽائون آفيسر ۽ ڪميٽي جا ڪائونسلر پڻ ان موقعي تي موجود هئا. ڊپٽي ڪمشنر صفائي سٿرائي لاءِ ٽائون ڪميٽي پاران ڪيل انتظامن جو جائزو ورتو. هن چيو ته ڪميٽي شهر مان ممڪن برساتن دوران برسات جي پاڻي جي نيڪال لاءِ سموري ضروري مشينري تيار رکي، سڀني پمپنگ اسٽيشنن تي ڊيزل جنريٽر جو بندوبست ڪري ۽ شهر ۾ صفائي جي صورتحال کي بهتر بڻائي. اجلاس ۾ مختلف وارڊن جي ڪائونسلرن ڊپٽي ڪمشنر کي پنهنجن لاڳاپيل علائقن جي مسئلن کان آگاهه ڪيو. اجلاس کان پوءِ ڊپٽي ڪمشنر لاڳاپيل آفيسرن سان گڏ ٽائون ڪميٽي جي مختلف وارڊن ۽ پمپنگ اسٽيشنن جو دورو ڪيو ۽ انتظامن کي وڌيڪ بهتر بڻائڻ جي هدايت ڪئي.
0 تبصرے