راما پير ميلي ۾ شرڪت لاء عمرڪوٽ کان جٿا روانا، مختلف ھنڌن تي شاندار آجيان

پ پ ايم پي اي سيد امير علي شاهه هيرل لڳ صوفي فقير پهچي راما پير جي ميلي تي ويندڙن جي آجيان ڪئي

عمرڪوٽ(رپورٽ:ڪانجي مل رکيسر) ٽنڊوالھيار راما پير ميلي ۾ شرڪت لاء عمرڪوٽ کان جٿا روانا، مختلف ھنڌن تي شاندار آجيان. خبر موجب ٽنڊوالھيار ۾ لڳندڙ راما پير جي سالياني ميلي ۾ شرڪت لاء عمرڪوٽ مان پيادل جٿا نڪرڻ شروع ٿي ويا آھن جڏھن ته پيري پنڌ ويندڙ جٿن جي آجيان لاء مختلف ھنڌن تي سندن جو آجيان پڻ ڪيو پيو وڃي پاڪستان پيپلز پارٽي جي ايم پي اي سيد امير علي شاهه هيرل لڳ صوفي فقير پهچي ڪنڊ ڪڙڇ مان ٽنڊوالهيار راما پير جي سالياني ميلي ڏانهن ويندڙ قافلن ۾ شريڪ ماڻھن سان ملاقات ڪئي ۽ ڀرپور ساٿ جو اظھار ڪيو جڏھن ته ميلي ۾ شرڪت ڪرڻ لاء ويندڙ جٿي جي پانديئڙن جي لاء لنگرنياز جو پڻ مختلف ھنڌن تي اھتمام ڪيو پيو وڃي گذريل ڏينھن شھر جي مالھي پاڙو ۾ پ پ اڳواڻ سيٺ مدن لال سوماڻي مالھي طرفان پڻ ميلي ۾ ويندڙ جٿي جي پانديئڙن لاء لنگر نياز جو اھتمام ڪيو ويو جتي پ پ اڳواڻ مدن لال سوماڻي، مڪيش ڪمار، وجئه ڪمار سميت ٻين مالھي برادري جي معززين ۽ نوجوانن طرفان چانور، چڻا، فروٽ سميت ٻين کاڌ خوراڪ جي شين جو لنگرنياز ڪرايو ويو جنھن ۾ پانديئڙن سان گڏ شھر جي مختلف برادرين سان تعلق رکندڙ ماڻھن پڻ شريڪ ٿي لنگرنياز ڪيو