نوشهروفيروز ۾ آءِ بي اي ٽيسٽ پاس اميدوارن جو احتجاج

عرفان علي چوهاڻ، امتياز علي چنه, گلزار منگي, آصف ڀرٽ ۽ ٻين احتجاج ڪيو

نوشهروفيروز (ڊ ر) نوشهروفيروز ۾ آءِ بي اي ٽيسٽ پاس ڪندڙ نوجوانن کي آفر آرڊر نه ملڻ خلاف پريس ڪلب آڏو احتجاجي مظاهرو ڪيو ويو۔ مظاهرين تعليم کاتي جي عملدارن خلاف سخت نعريبازي ڪئي ۽ شفاف ڀرتين جو مطالبو ڪيو۔ ان موقعي تي اڳواڻن عرفان علي چوهان، امتياز علي چنه, گلزار منگي, آصف ڀرٽ تاسين شاھ ۽ ٻين چيو ته 40 کان وڌيڪ نمبر کڻندڙ اميدوارن کي نظرانداز ڪيو ويو آهي، جڏهن⁠ته 33 نمبر کڻندڙن کي رشوت عيوض نوڪريون ڏنيون ويون آهن۔ جيڪا ناانصافي جي انتها آهي هن الزام هنيو ويو ته هڪ هفتو اڳ ببر لو پوليس اسان جي ساٿين کي گرفتار ڪري قيمتي سامان کسي ورتو، جيڪو اڄ ڏينهن تائين واپس نه ڪيو ويو آهي۔ هنن مطالبو ڪيو ته ٻٽو معيار ختم ڪري، ميرٽ تي پاس ٿيندڙ اميدوارن کي پي ايس ٽي ۽ جي ايس ٽي جا آفر آرڊر جاري ڪيا وڃن ٻي صورت ۾ جيڪڏهن ميرٽ تي پاس ٿيل اميدوارن کي آفر آرڊر فراهم نه ڪيا ويا ته سنڌ ڀر جا نوجوان وزيراعليٰ هائوس آڏو ڌرڻو ڏيڻ تي مجبور ٿيندا۔