ھڪ ڀيرو سنڌ جي مسئلن تي سنڌ ايڪشن ڪاميٽي کي فعال ڪيو آهي: ڊاڪٽر نياز ڪالاڻي

سنڌ ايڪشن کي نئين سر فعال ڪرڻ جو مقصد قومي اسيمبلي ۾ سنڌ خلاف پاس ڪرايل ٺھراء آھي

نوشھروفيروز(ڊ ر) سنڌ ايڪشن ڪاميٽي جو ھڪ اھم اجلاس رم جھم ھوٽل نوشهروفيروز تي ڊاڪٽر نياز ڪالاڻي۔پنھل ساريو ۔امتياز کوسو ۔سليم جان ڀٽي ۔اياز راڄپر ۔ايس يو پي ضلعي اڳواڻ رضا بھڻ ۔شيراز اڄڻ۔خادم سيال ۔مھر وسطڙو ۔فريد لاشاري سميت ٻين اڳواڻن ۾ سڀني قومپرستن پارٽين اڳواڻن شرڪت ڪئي ان موقعي تي ڊاڪٽر نياز ڪالاڻي چيو ته اسان ھڪ ڀيرو سنڌ جي مسئلن تي سنڌ ايڪشن ڪاميٽي کي فعال ڪيو سنڌ ايڪشن کي نئين سر فعال ڪرڻ جو مقصد سنڌ کي ٽوڙڻ نون يونٽن ٺاھڻ لاء قومي اسيمبلي ٺھراء پاس ڪيو آھي اھو ڪنھن به صورت ۾ قبول نه آھي سنڌ جي وسيلن ڌاڙي ھڻڻ جي ڪوشش ڪئي وئي ته سنڌ وڌ ۾ وڌ مذاھمت ڪندا سين ھي تحريڪ ٻٻرلو ڌرڻي کان به سخت ھوندي سنڌ جي ماڻھن جي وسيلن تي اڳ ۾ ئي وفاق جا قبضا آھن ويتر سنڌ جو اين ايف سي ايوارڊ به وفاق حوالي ڪيو ويو ڪوبه ڊرامون سنڌي ماڻھو قبول نه ڪندا ڊاڪٽر نياز ڪالاڻي سموري سنڌ جي عوام کي اپيل ڪئي ته 11 تاريخ تي سموري سنڌ ۾ قومپرستن پاران رٿيل احتجاج رکيا ويا آھن وڌ ۾ وڌ پنھنجي شھرن ۾ گڏ ٿي وفاق کي ميسيج ڏيو ته سنڌي ماڻھو ھڪ آھن ڪوبه ٺڳي جو ٺاه قبول نه ڪنداسين ايس يوپي ۔پورھيت مذاھمت تحريڪ ۔جيئي سنڌ محاذ ۔جسقم بشير خان قريشي ٻين تنظيمن ھن اجلاس ۾ شرڪت ڪئي۔