ملير: رزاق آباد مان ٽن ٻارن جي ماءُ پراسرار نموني گم، مڙس جو ٻارڙن سميت احتجاج

56 views | 09th Nov 2025 • سنڌي خبرون

جمشيد ابڙو شاهه لطيف ٿاڻي تي پهچي گهرواري نيبله ابڙو جي گمشدگي بابت رپورٽ داخل ڪرائي

ملير: رزاق آباد مان ٽن ٻارن جي ماءُ پراسرار نموني گم، مڙس جو ٻارڙن سميت احتجاج

ملير (رپورٽ: عبدالرشيد مورجھريو) ملير ضلعي جي علائقي رزاق آباد فيضان ڪالوني جي رهواسي ٽن ٻارن جي ماءُ نيبله ابڙو پراسرار نموني لاپتا ٿي وئي آهي۔ ان سلسلي ۾ مڙس جمشيد ابڙو پنهنجي زال جي گمشدگي جو ڪيس داخل ڪرائڻ لاءِ ٿاڻو شاهه لطيف ٽائون پهچي ڪيس داخل ڪرايو جنهن بعد جمشيد ابڙو پنهنجي معصوم ٻارن سان گڏ عوامي پريس ڪلب ملير ۾ پريس ڪانفرنس ڪندي ٻڌايو ته منهنجي زال نيبله ابڙو کي مون 7 نومبر 2025 تي شام جو پنجين وڳي اسپتال ۾ علاج بعد رکشي ۾ ويهاري گهر وڃڻ لاءِ موڪليو ڇو ته منهنجي موٽر سائيڪل خراب ٿي وئي هئي پر هوءَ اڄ تائين گهر نه پهتي آهي هن ٻڌايو ته مون پنهنجي سڀني مٽن مائٽن، اسپتالن ۽ پاڙي ۾ به ڳولا ڪئي پر زال جي ڪا به معلومات نه ملي سگهي۔ هن پوليس ۽ انتظاميا کان مطالبو ڪيو ته منهنجي زال کي فوري طور ڳولي بازياب ڪرايو وڃي ڇو ته ٽن معصوم ٻار پنهنجي ماءُ جي ياد ۾ روئي روئي بيمار ٿي پيا آهن هوڏانهن پوليس ذريعن موجب ڪيس داخل ٿيڻ بعد شاهه لطيف ٿاڻي جي ٽيم تحقيقات شروع ڪري ڇڏي آهي ۽ مختلف علائقن ۾ ڳولا ۽ جاچ جو عمل جاري آهي۔ علائقي واسين به انتظاميا کان مطالبو ڪيو آهي ته نيبله ابڙو جي بازيابي لاءِ خاص ٽيم ٺاهي فوري قدم کنيا وڃن ته جيئن معصوم ٻارن کي پنهنجي ماءُ جو پتو پئجي سگهي۔