ڦل ۾ سگا جي سهڪار سان فاطمه ويلفيئر آرگنائيزيشن طرفان مفت اکين جي ڪئمپ قائم

282 views | 12th Nov 2025 • سنڌي خبرون

پاڪ سنڌ ويلفيئر اسپتال ۾ ڪئمپ دوران سئو کان مٿي مريضن جو مفت چيڪ اپ ڪري دوائون ڏنيون ويون

ڦل ۾ سگا جي سهڪار سان فاطمه ويلفيئر آرگنائيزيشن طرفان مفت اکين جي ڪئمپ قائم

نوشھروفيروز(ڊ ر)سگا شاخ ڦل جي سهڪار سان فاطمه ويلفيئر آرگنائيزيشن طرفان هڪ ڏينهن واري مفت اکين جي ڪئمپ پاڪ سنڌ ويلفيئر اسپتال ڦل شهر ۾ ٿي گذري, سگا مرڪز جي ڊپٽي سيڪريٽري جنرل پروفيسر بخش چانڊيو,اکين جي ماهر ڊاڪٽر راهب لاکو,جيئي مورو ايف ايم 88 جي نيوز ڊائريڪٽر گلاب خان بهڻ,سگا شاخ ڦل جي صدر محمد خالد ميمڻ,جنرل سيڪريٽري استاد غلام مرتضي' ڦل جن گڏجي ربن ڪٽي ڪئمپ جو افتتاح ڪيو ڪئمپ ۾ هڪ سئو کان مٿي مريضن جو مفت چيڪ اپ ڪري مفت دوائون پڻ ڏنيون ويون جڏهن ته ڪئمپ ۾ سگا شاخ ڦل جي اطلاعات سيڪريٽري انيس الرحمان ڦل,جوائنٽ سيڪريٽري مجيب الرحمان وڳڻ,خزانچي سيد اسلم شاه,ڪالم نويس صحافي وفا ولي محمد ڦل, صحافي حافظ غلام نبي رند,عقيل وفا ڦل,مسرور رند,ثناء الله سومرو ۽ ٻين ڪئمپ ۾ آيل مريضن کي چيڪ اپ ڪرائڻ ۾ ڀرپور مدد ڪئي ۔