اسٽيل ملز جي سيڪيورٽي انچارج جي ملير ڪورٽ ۾ وڪيلن سان منھن ماري، گرفتار

داؤد ڪِياني جي پيڪا ايڪٽ ۾ داخل ڪيس جي ضمانت لاءِ ملير ڪورٽ پهچڻ تي ڇڪتاڻ واري صورتحال

ملير (رپورٽ: عبدالرشيد مورجھريو) پاڪستان اسٽيل ملز جي سيڪيورٽي انچارج داؤد ڪِياني جي خلاف پيڪا ايڪٽ ۾ داخل ڪيس جي ضمانت لاءِ ملير ڪورٽ پهچڻ تي صورتحال ڇڪتاڻ واري ٿي پيئي جتي وڪيلن سان سندس سخت لفظي تڪرار بعد پوليس کيس حراست ۾ وٺي ورتو۔عدالتي ذريعن مطابق داؤد ڪِياني جڏهن ملير ڪورٽ ۾ پيش ٿيو ته هن جي وڪيلن سان ڪنهن ڳالهه تان تڪرار شروع ٿي ويو، جيڪو ڪجهه ئي لمحن ۾ تيز بحث ۾ تبديل ٿي ويو۔ سيڪيورٽي انچارج جي مبينا غير شائسته روين تي پوليس مداخلت ڪري کيس فوراً حراست ۾ وٺي ڇڏيو ياد رهي ته داؤد ڪِياني خلاف اسٽيل ٽائون ٿاڻي ۾ پيڪا ايڪٽ تحت ڪيس داخل آهي، جيڪو پيپلز پارٽي جي اڳواڻ مير عباس جي مدعيت ۾ داخل ڪيو ويو هو ڪيس ۾ الزام لڳايو ويو آهي ته ڪجهه ڏينهن اڳ اسٽيل ملز انتظاميه خلاف احتجاج دوران داؤد ڪِياني سوشل ميڊيا تي اهڙو مواد شيئر ڪيو، جيڪو پيڪا قانون جي ۾ اچي ٿو۔