ٺٽو: عوامي پريس ڪلب جي وفد جي ڊي ايس پي هيڊڪوارٽر سان ملاقات

وفد ۾ بلاول سمون، محمد عمر سرائي، عبيدالله جماري، اي بي شورو، ممتاز سمون ۽ ارشاد جوکيو شامل هئا

ٺٽو( محمد شفيق ڀٽي) ايس ايس پي ٺٽو فاروق احمد بجاراڻي عوامي پريس ڪلب ٺٽو جي ميمبر ارشاد جوکيو تي ٿيل تشدد جو فوري نوٽيس وٺندي ڊي ايس پي هيڊ ڪوارٽر وحيد بيگ لاڙڪ کي معاملي جي انڪوائري آفيسر طور مقرر ڪري مڪمل جاچ جو حڪم ڏنو آهي۔ ان سلسلي ۾، عوامي پريس ڪلب ٺٽو جي وفد،جنهن ۾ صدر بلاول سمون، جنرل سيڪريٽري محمد عمر سرائي، عبيدالله جماري، اي بي شورو، ممتاز علي سمون ۽ ارشاد جوکيو شامل هئا،اڄ ڊي ايس پي هيڊ ڪوارٽر وحيد بيگ لاڙڪ سان سندس آفيس ۾ ملاقات ڪئي۔ ملاقات دوران وفد پوليس چوڪي جنگشاهي جي انچارج ۽ ٻين اهلڪارن پاران ارشاد جوکيو تي ڪيل بيجا تشدد بابت تفصيلي آگاهي ڏني۔ ڊي ايس پي وحيد بيگ لاڙڪ وفد کي يقين ڏياريو ته معاملي جي شفاف انڪوائري ڪئي ويندي ۽ ارشاد جوکيو سان مڪمل انصاف ڪيو ويندو۔ هن ٻڌايو ته سڀاڻي پوليس چوڪي جنگشاهي جي انچارج سميت لاڳاپيل عملي کي جاچ لاءِ طلب ڪيو ويو آهي۔