ٺٽو: هالار چاڙهي واسي پورهيتن جو احتجاجي مظاهرو

ٺٽو(محمد شفيق ڀٽي)چليا لڳ هالار چاڙهي جي رهائشي پورهيت مزدور طبقي جي ماڻهن عظيم جاکرو خانو جاکرو ۽ سومار جاکرو عوامي پريس ڪلب ٺٽو ۾ پهچي دانهندي چيو آهي ته سندن ذات برادري جي ماڻهن نبي بخش جاکرو علي بخش جاکرو عثمان جاکرو عالم جاکرو ۽ ٻين سندن جئيڻ جنجال بڻائي ڇڏيو آهي هنن چيو ته هالار چاڙهي لڳ چليا ۾ پٿر جا ڌڪا آهن جيڪا سندن ذاتي زمين آهي جنهن مان هو پٿر ڪٽي مزدوري ڪندا ان زمين تي ڪجھ سال اڳ مذڪوره ماڻهن زبردستي قبضو ڪيو جنهن بابت تر جي معزز ڌرين تڏهن به ٻنهي ڌرين کي ٺاھ جي آڙ ۾ هنن سان زيادتي ڪري سندن زمين ذاتي زمين مان ڪجھ زمين هنن کان ڦر مٿين انهن ماڻهن کي ڏياري آهي پر اهي ساڳي ماڻهون باقي زمين تي قبضو ڪرڻ گهرن ٿا جيڪي ماڻهون هنن کي مسلسل حراسان ۽ تنگ ڪري رهيا آهن ۽ سندن زمين ۽ پٿر جي ڌڪن تان بيدخل ڪرڻ گهرن ٿا متاثر ڌر اهو ٻڌايو آهي گذريل ڏينهن ان معاملي بابت ايس ايس پي آفيس ٺٽو ۾ انڪوائري ٿي جنهن ۾ پڻ سندن مخالف ڌر وارا ڪوڙا ثابت ٿيا هنن چيو ته رات دير سان انهن ماڻهن اسان کي ڪوڙي ڪيسن ۾ ڦاسائڻ لا۽ هڪ جهوپڙي کي هٿرادو باھ ڏئي ساڙي ڇڏيو آهي جيڪو هڪ هٿرادو ڊرامو ڪيو ويو آهي جنهن جي انڪوائري ڪري اهڙو ڊرامو رچائيندڙ خلاف ڪيس داخل ڪيو وڃي ساڻن انصاف ڪيو وڃي