ملير: ڀينس ڪالوني ۾ فائرنگ، ڦر واردات دوران 2ڄڻا مرڻينگ

هٿياربند ڦورن مزاحمت تي فائرنگ ڪري اسلام ولد عباس ۽ بدر ولد عباس کي زخمي ڪيو

ملير (رپورٽ: عبدالرشيد مورجھريو) ڀينس ڪالوني روڊ نمبر 05، جناح ايونيو اسڪول جي ويجهو ڦر جي واردات دوران فائرنگ سبب ٻه ڄڻا شديد زخمي ٿي پيا واقعو ان وقت پيش آيو جڏهن هٿياربند ڦورن مزاحمت تي فائرنگ ڪري ڏني جنهن جي نتيجي ۾ اسلام ولد عباس، عمر تقريباً 30 سال، ۽ بدر ولد عباس، عمر 25 سال گوليون لڳڻ سبب سخت زخمي ٿي پيا جن کي فوري طور تي جناح اسپتال منتقل ڪيو ويو. اسپتال ذريعن موجب هڪ زخمي کي گولي ڪنڌ ۾ لڳي آهي، جنهن جي حالت ڳڻتي جوڳي آهي عيني شاهدن موجب ڦورو موٽرسائيڪل تي سوار هئا ۽ واردات کان پوءِ فائرنگ ڪندا فرار ٿي ويا. واقعو ٿيڻ کانپوءِ علائقي ۾ خوف ۽ حراس پکيڙجي ويو ۽ ڪاروباري سرگرميون پڻ متاثر ٿي ويون آهن. اطلاع ملڻ تي ايس ايس پي ملير ۽ سڪڻ پوليس واقعي واري هنڌ تي پهچي زخمين کي اسپتال منتقل ڪرڻ ۾ مدد ڪئي ۽ ابتدائي ثبوت گڏ ڪري قانوني ڪارروائي شروع ڪئي. پوليس موجب ويجهڙائي ۾ لڳل سي سي ٽي وي ڪيمرائن جي فوٽيج حاصل ڪئي پئي وڃي ته جيئن ڏوهارين جو پتو لڳائي سگهجي علائقي جي رهواسين ڀينس ڪالوني ۾ وڌندڙ ڏوهن جي وارداتن تي شديد تشويش جو اظهار ڪندي مطالبو ڪيو آهي ته پوليس گشت وڌائي ۽ شهري تحفظ کي يقيني بڻائي، ڇو ته حالتون مسلسل خراب ٿينديون پيون وڃن. پوليس موجب ڏوهارين جي گرفتاري لاءِ ٽيمون ٺاهيون ويون آهن ۽ جلد اهم پيش رفت جي توقع آهي