شازيه خُشڪ جي ڌيءَ سنڌ راڻي پهريون ڀيرو ايڪتا ڏهاڙي جي تقريب ۾ گيت ڳايو

377 views | 07th Dec 2025 • سنڌي خبرون

ناليواري گلوڪارا شازيه خشڪ جي ڌيءَ سنڌ راڻي انگريزي گيت ڳائي گلوڪاريءَ جي شروعات ڪري ڇڏي

شازيه خُشڪ جي ڌيءَ سنڌ راڻي پهريون ڀيرو ايڪتا ڏهاڙي جي تقريب ۾ گيت ڳايو

ڪراچي(اسٽاف رپورٽر) ناليواري گلوڪاره شازيه خُشڪ جي ڌيءَ سنڌ راڻي پهريون ڀيرو ايڪتا ڏهاڙي جي تقريب ۾ انگريزي گيت ڳائي گلوڪاريءَ جي شروعات ڪري ورتي. ان موقعي تي ميڊيا سان ڳالهائيندي سنڌ راڻي چيو ته منهنجي هن انگريزيءَ جي گيت ۾ سنڌ بابت ايڪتا جي تاريخ ۾ پهريون ڀيرو سنڌ جي باري ۾ لطيف، سنڌو درياءَ، موهن جو دڙو، دولهه درياءَ خان، هوشو ۽ سنڌ جي ڪروڙين ماڻهن جي باري ۾ مون هي انگريزي گيت ڳايو آهي، ملڪ ۾ دنيا جا 200 ملڪن جا سفير ۽ انهن جو اسٽاف رهي ٿو، انهن کي سنڌي ڪونه ٿي اچي، جنهن جي ڪري مون هي انگريزيءَ ۾ گيت ڳايو آهي، ڇو ته هي گيت انگريزيءَ ۾ آهي جيڪو انهن کي سمجهه ۾ ايندو. سنڌ واسين جي ٿورائتي آهيان جن منهنجي هن گيت پرفام ڪرڻ دوران تمام سُٺي موٽ ڏني.