گڏاپ سٽي پوليس پاران ٻه جوابدار زخمي حالت ۾ گرفتار ڪرڻ جي دعويٰ

48 views | 22nd Oct 2025 • سنڌي خبرون

گشت دوران يثرب ڪالوني وٽ ڏوهه جي ارادي سان بيٺل جوابدارن سان مقابلو ٿيو: پوليس

گڏاپ سٽي پوليس پاران ٻه جوابدار زخمي حالت ۾ گرفتار ڪرڻ جي دعويٰ

ملير (رپورٽ: عبدالرشيد مورجھريو) ضلعي ملير جي گڏاپ سٽي پوليس ۽ جوابدارن وچ ۾ يثرب ڪالوني لڳ فائرنگ جو مقابلو ٿيو۔ گشت تي موجود پوليس پارٽي کي ڏسي مسلح جوابدارن فائرنگ شروع ڪري ڏني، جنهن تي پوليس طرفان به موثر جوابي ڪارروائي ڪئي وئي پوليس جي جوابي فائرنگ ۾ ٻه جوابدار فضل ۽ ذاڪِر زخمي حالت ۾ گرفتار ڪيا ويا۔ پوليس موجب جوابدارن جي قبضي مان ٻه پسٽل سميت ايمونِيشن، ڇهه چوري ٿيل موبائل فون،هڪ125موٽرسائيڪل ۽ نقد رقم هٿ آئي آهي پوليس جو چوڻ آهي ته هٿ آيل موٽرسائيڪل جو رڪارڊ AVLC عملدارن سان چيڪ ڪيو پيو وڃي، جڏهن⁠تہ هٿ آيل هٿيار فرانزڪ جاچ لاءِ روانا ڪيا ويا آهن۔ زخمي جوابدارن کي طبي امداد لاءِ اسپتال منتقل ڪيو ويو آهي پوليس موجب گرفتار جوابدارن جو ڪرمنل رڪارڊ جانچيو پيو وڃي، جڏهن تہ گڊاپ سٽي پوليس طرفان قانوني ڪارروائي شروع ڪئي وئي آهي ۽ وڌيڪ تحقيق جاري آهي۔