نوشهروفيروز ۾ ناري جو معصوم ٻارڙن ۽ مڙس سميت پيڪن خلاف احتجاج

سئوٽ عرفان زبردستي پيڪين وٺي ويو هو: اقرا راجپوت

نوشهروفيروز (ڊ ر) نوشهروفيروز ۾ ٻن ٻارڙن ماءُ اقراء راجپوت پنهنجي مڙس وڪيل راجپوت سان گڏ پريس ڪلب پهچي صحافين سان ڳالهائيندي چيو آهي ته منهنجو ڪزن عرفان راجپوت مونکي پنهنجي پيڪن ڏي زبردستي وٺي ويو جتي هن مونکان زبردستي ڪجهه ميڊيا جي نمائندن کي وٺي مڙس جي خلاف بيان ڏياريو ۽ ڪوڙا ڪيس داخل ڪرائي ڇڏيا جيڪي سڀ بي بنياد الزام آهن هن چيو ته منهنجو مڙس بيگناھ آهي جنهن تي داخل ڪرايل ڦلجي اسٽيشن ڪيس ڪوڙا سمجهيا وڃن جيڪي مائٽن زبردستي ڏياريا ھيا مڙس ۽ ڏيرن تي داخل ڪيس ختم ڪيا وڃن هن چيو ته مان پنهنجي مڙس وڪيل راجپوت سان خوش زندگي گذاري رهي آهيان جنهن ٻن پٽن جو اولاد به آهي هن آءِ جي سنڌ ، ڊي آءِ جي حيدرآباد، ايس ايس پي دادو ۽ نوشھروفيروز کان مطالبو ڪيو ته مڙس مٿان داخل ڪرايل ڪيسن جي جاچ ڪري انصاف ڪيو وڃي