سنڌي ادبي سنگت شاخ ملير جي دستوري گڏجاڻي نامياري شاعره امرتا ڏاهري جي رهائش گاهه عمر مارئي ڳوٺ ۾ ٿي گذري

غفور شاھ تقوي، جمشيد زهراڻي، قمبر ٻٽ، امرتا ڏاهري، امتياز دانش ۽ ٻين شاعري پيش ڪئي

ملير (رپورٽ: عبدالرشيد مورجھريو) سنڌي ادبي سنگت شاخ ملير جي دستوري گڏجاڻي نامياري شاعره امرتا ڏاهري جي رهائش گاهه عمر مارئي ڳوٺ ۾ ڪراچي جي رابطا سيڪريٽري راشد لکمير جي صدارت ۾ ٿي گڏجاڻي ۾ راشد لکمير خطاب ڪندي چيو ته قلمڪار کي هميشه ٻولي، ثقافت ۽ وطن جي محافظ جو ڪردار ادا ڪرڻ گهرجي، اجتماعي مفادن جي لاءِ انفرادي مفادن کي وساري قوم وطن ۽ وطن واسين جي فلاح ۽ بهبود لاءِ لکڻ گهرجي ۽ اها ئي سچي قلمڪار جي سڃاڻپ آهي، سيد غفور شاھ تقوي، جمشيد زهراڻي، قمبر ٻٽ، امرتا ڏاهري، امتياز دانش، سڪندر سرواڻ، مجيب سنڌي ۽ مظهر ورياڻي پنهنجي نڪور شاعري پيش ڪئي جيڪا بنا تنقيد جي ٻڌي وئي، عوامي راڳي عبدالخالق ڀٽي پنهنجي خوبصورت آواز ۾ گيت ٻڌايا، گڏجاڻي ۾ متفقه راءِ سان شاعر مظهر ورياڻي کي سنڌي ادبي سنگت شاخ ملير ۾ ميمبر شپ ڏني وئي، جڏهن ته گڏجاڻي ۾ ظهير ڏاهري ۽ ستار ڪلمتي پڻ شرڪت ڪئي.