عمرڪوٽ ۾ سماجي، سياسي ۽ ڪاروباري شخصيت شهزاد اڌيپوري جي سالگرهه تقريب منعقد

عمرڪوٽ (رپورٽ:ڪانجي مل رکيسر) عمرڪوٽ جي نامياري سماجي، سياسي ۽ ڪاروباري شخصيت شهزاد اڌيپوري جي سالگرهه جي شاندار تقريب سيٺ قربان علي پاران عائشہ منزل تي وڏي ڌوم ڌام سان ملهائي وئي، تقريب ۾ شهر جي نامياري سياسي، سماجي، ادبي ۽ ڪاروباري شخصيتن سميت شهري برادري جي وڏي انگ شرڪت ڪئي، تقريب ۾ سيٺ قربان علي، صدر پريس ڪلب عمرڪوٽ غلام محمد ڪنڀر، غلام مصطفي مھر، وقاص خان يوسفزئي، اصغر علي، صفدر علي، نزاڪت علي، سجاد علي، عبدالرحمن، جاويد، عمران خان، حسنين خان، حنان خان، عظمت خان، ھيرا ڪمار، جئہ ڪمار، فريد خان، راجا درزي، ڌرمداس درزي، معزز مهمانن، واپاري اڳواڻن، صحافين، استادن ۽ دوستن شرڪت ڪندي شهزاد اڌيپوري سان پنهنجي والهه محبت جو اظهار ڪيو ۽ سالگرهه جو ڪيڪ ڪٽيو ويو ۽ مهمانن شهزاد اڌيپوري کي نيڪ تمناون پيش ڪيون، ان موقعي تي شرڪت ڪندڙن ڳالھائيندي چيو ته شهزاد اڌيپوري عمرڪوٽ جي نوجوانن لاءِ هڪ روشن مثال آهي، جن پنهنجي مثبت سوچ، سماجي خدمتن ۽ ڪاروباري صلاحيتن سان علائقي جو نالو روشن ڪيو آهي، هنن چيو ته شهزاد اڌيپوري نه رڳو سماجي ميدان ۾ فعال آهي پر نوجوانن جي حوصلا افزائي لاءِ پڻ وڏو ڪردار ادا ڪري رهيو آهي، شهزاد اڌيپوري چيو ته مون لاءِ اها وڏي خوشي جي ڳالهه آهي جو دوستن ۽ ساٿين سندس سالگرهه محبت ۽ خلوص سان ملهائي آئون سڀني جو شڪرگذار آھيان، تقريب ۾ شرڪت ڪندڙن موسيقي، گلن ۽ محبت ڀرين لفظن سان شهزاد اڌيپوري کي مبارڪباد ڏني، جڏهن ته آخر ۾ شاندار دعوت جو اهتمام پڻ ڪيو ويو.