ملير ۾ لاشاري بلوچ هيومن رائنٽس ويلفيئر آرگنائيزيشن جي عهديدارن کي مبارڪون ڏيڻ جو سلسلو جاري

اسان جو مقصد غريب مسڪين ماڻهن جي خدمت ڪرڻ آهي، ويلفيئر ڪنهن هڪ برادري جي ناهي: ڊاڪٽر انور لاشاري

ملير (ڊ ر)ملير ۾ لاشاري بلوچ هيومن رائنٽس ويلفيئر آرگنائيزيشن ضلعي عهديدارن کي سياسي سماجي اڳواڻن پاران اجرڪ پارائي مبارڪ ڏني وئي، اسان جو مقصد غريب مسڪين ماڻهن جي خدمت ڪرڻ آ ويلفيئر ڪنهن هڪ برادري جي ناهي سڀني برادرين سان گڏجي ماڻهن جي خدمت ڪنداسين، ڊاڪٽر انور لاشاري، مقبول لاشاري، تفصيل موجب: ملير ۾ لاشاري بلوچ هيومن رائنٽس ويلفيئر آرگنائيزيشن جي چونڊيل عهديدارن صدر ڊاڪٽر انور لاشاري، نائب صدر رئيس مقبول لاشاري، جرنل سيڪريٽري ڄام جميل لاشاري، انفارميشن سيڪريٽري سميع ﷲ عبدالرزاق لاشاري سميت ٻين چونڊيل عهديدارن کي علائقي جي سياسي سماجي اڳواڻن پهچي گلن جا ۽ اجرڪ پارائي مبارڪون ڏنيون ان موقعي تي ميڊيا سان ڳالهائيندي مقرر عهديدارن جو چوڻ هو ته لاشاري بلوچ هيومن رائنٽس ويلفيئر آرگنائيزيشن صرف لاشاري برادري لاءِ نه پر سنڌ ۾ وسندڙ سمورين برادرين لاءِ ڪم ڪندي هنن چيو ته اسان جو مقصد صرف ۽ صرف غريب مسڪين ۽ بي پهچ ماڻهن جي جاني مالي سهائتا ڪرڻ آهي چاهي اهو ڪهڙي به برادري سان تعلق رکندڙ هجي اسين هميشه ذات، نسل، رنگ زبان کان هٽي ڪري خدمت ڪئي آهي ۽ ان مشن تي ڪم ڪري رهيا آهيون اسان سرهندي وارن دوستن کي گذارش ٿا ڪريون ته هو لاشاري بلوچ هيومن رائنٽس ويلفيئر آرگنائيزيشن جي مالي مدد ڪن ته جئين خدمت جي هن جذبي کي اڳتي وڌائي سگهجي،