بابا گرونانڪ جو 556 هون جنم ڏهاڙو نوشهروفيروز ۾ به ملهايو ويو

137 views | 05th Nov 2025 • سنڌي خبرون

درٻار صاحب بابا جمناداس اُداسين نوشهرو فيروز ۾ بابا گرونانڪ جو جنم ڏهاڙو ملهايو ويو

بابا گرونانڪ جو 556 هون جنم ڏهاڙو نوشهروفيروز ۾ به ملهايو ويو

نوشهروفيروز(ڊر)بابا گرونانڪ جو 556 هون جنم ڏهاڙو، درٻار صاحب بابا جمناداس اُداسين نوشهرو فيروز ۾ ملهايو ويو، جنهن ۾ درٻار جي گادي نشين سائين رام داس جنم جو ڪيڪ ڪاٽيو ۽ ڏولي پڻ کنئي ويئي. ناليواري ڀڳتين، ڀڳت وِجي ڪمار، ڀڳت مرليڌر ۽ سندن ٽولين فل ميوزيشن سان گڏ ستسنگ ڪيو، جڏهن ته ڪِيرتن، آرتي ۽ ارداس پڻ ڪيو ويو. بابا گرونانڪ جي جنم واري ٽائيم تي خوشي ۾ آتشبازي پڻ ڪئي ويئي. ان موقعي تي ڳالهائيندي سائين رام داس چيو ته بابا گرونانڪ امن، ڀائيچاري ۽ ماڻهن جي دلين ۾ مساوات جو پيغام، مالڪ جي عشق ۽ روحانيت جون روشنيون ٻاريون، سندس تعليم جو مکيه مقصد سماجي انصاف ۽ اصلاح هو. هن پروگرام ۾ درٻار جي مريدن، عقيدتمندن وڏي تعداد ۾ شرڪت ڪئي.